చేర్యాల, వెలుగు : మండల కేంద్రంలోని ఆర్ఎంపీ, పీఎంపీ క్లినిక్లలో మంగళవారం తెలంగాణ మెడికల్ కౌన్సిల్ సభ్యుడు (టీజీఎంసీ) బండారి రాజ్కుమార్ తనిఖీలు నిర్వహించారు. పెద్దమ్మ గడ్డ ఏరియాలో జి. రామచంద్రం, భాస్కర్, మద్దూరు మండల కేంద్రంలోని శ్రీశైలం యాంటీబయాటిక్స్, స్టెరాయిడ్లు ఇస్తున్నట్లు గుర్తించారు. ఈ సందర్భంగా ఆయన మాట్లాడుతూ చట్ట ప్రకారం విద్యార్హత లేకున్నా అల్లోపతి వైద్యం చేసినందుకు వీరిపై కేసు నమోదు చేస్తామని తెలిపారు.
ఇలాంటి నకిలీ వైద్యులపై ఇప్పటివరకు 400 ఎఫ్ఐఆర్లు నమోదయ్యాయని వీరందరిని త్వరలో కోర్టులో హాజరుపరుస్తామన్నారు. రాష్ట్ర వైద్య మండలికి సంబంధించి 30 బృందాలు ప్రతి జిల్లాలో, ప్రతి గ్రామంలో ఆర్ఎంపీ, పీఎంపీ క్లినిక్లలో తనిఖీలు నిర్వహిస్తున్నాయని, పరిమితికి మించి వైద్యం చేస్తే కఠిన చర్యలు తీసుకుంటామని హెచ్చరించారు. అక్షర, వెంకటసాయి హాస్పిటల్స్ను సందర్శించి తెలంగాణ స్టేట్ మెడికల్ కౌన్సిల్లో రిజిస్ర్టేషన్ చేయించుకున్న వైద్యులతోనే రోగులకు వైద్యం చేయించాలని యాజమాన్యాలకు సూచించారు. ఆయన వెంట డాక్టర్గౌతమ్ ఉన్నారు.
