- ప్రియాంకా గాంధీకి మద్దతుగా క్యాంపెయిన్
హైదరాబాద్, వెలుగు: తెలంగాణ మంత్రి సీతక్క మహారాష్ట్రలోని పలు నియోజకవర్గాల్లో కాంగ్రెస్ అభ్యర్థుల నామినేషన్ప్రక్రియలో పాల్గొనడంతోపాటు వారి తరఫున విస్తృతంగా ప్రచారం నిర్వహించారు. నాలుగు రోజులపాటు అక్కడే ఎన్నికల ప్రచారం చేశారు. కాంగ్రెస్ పార్టీ గెలుపు కోసం అనుసరించాల్సిన వ్యూహాలపై పార్టీ నేతలతో చర్చించారు.
బీజేపీ అనుసరిస్తున్న ప్రజా వ్యతిరేక విధానాలను కార్యకర్తలు, పార్టీ శ్రేణులు ప్రజల్లోకి తీసుకెళ్లాలని వారికి దిశానిర్దేశం చేశారు. శుక్రవారం మహారాష్ట్రలో ఎన్నికల ప్రచారం ముగించుకొని ఆమె కేరళకు వెళ్లారు. వయనాడ్ఉప ఎన్నికల్లో కాంగ్రెస్ అభ్యర్థి ప్రియాంకా గాంధీకి మద్దతుగా మంత్రి సీతక్క ప్రచారం చేయనున్నారు. ఏఐసీసీ ఆదేశాల మేరకు వయనాడ్ నియోజకవర్గంలో రెండు, మూడు రోజులపాటు ప్రచారంలో పాల్గొననున్నారు.
