నర్వ, వెలుగు: ప్రభుత్వం సింథటిక్ కెమికల్స్ పర్మిషన్ ఇవ్వకుండా, ఇథనాల్ కంపెనీని రద్దు చేయాలని తెలంగాణ పీపుల్స్ ప్రజా జేఏసీ సభ్యులు కోరారు. ఇథనాల్ కంపెనీకి అనుసంధానంగా సింథటిక్ కెమికల్స్ ఉత్పత్తికి కేంద్ర పర్యావరణశాఖ పర్మిషన్ కోసం కంపెనీ యజమానం ప్రయత్నిస్తోందని వారు పేర్కొన్నారు. ఈ నేపథ్యంలో సింథటిక్ కెమికల్స్ తో జరిగే నష్టాన్ని వివరించారు. శుక్రవారం చిత్తనూర్ ఇథనాల్ కంపెనీ వ్యతిరేక పోరాట కమిటీ నాయకులు చిత్తనూర్, జిన్నారం, ఎక్లాస్పూర్, ఉండేకోడ్, పాతర్చేడ్ గ్రామస్తులకు అవగాహన కల్పించారు.
టీపీ జేఏసీ రాష్ట్ర కన్వీనర్ కన్నెగంటి రవి, ఇథనాల్ కంపెనీ వ్యతిరేక పోరాట కమిటీ నాయకులు బండారి లక్ష్మయ్య, చైతన్య మహిళా సంఘం నాయకులు శ్రీదేవి మాట్లాడారు. కేంద్ర, రాష్ట్ర ప్రభుత్వాలు ఇథనాల్ కంపెనీని రద్దు చేయాలని కోరారు. జె చక్రవర్తి, కేజీ రామారావు, మహదేవ్, రాంచందర్, లింగమయ్య, మధు పాల్గొన్నారు
