క్యాష్ రిచ్ లీగ్ ఐపీఎల్ 2025 మెగా వేలంలో తెలంగాణ కుర్రాడు అరవెల్లి అవనీష్కు తీవ్ర నిరాశ ఎదురైంది. ఐపీఎల్ వచ్చే సీజన్లో ఆడేందుకు రూ.30 లక్షల కనీస ధరతో మెగా వేలంలో పాల్గొన్న అరవెల్లి అవనీష్ ను ఏ ఫ్రాంచైజ్ కొనుగోలు చేయలేదు. అవనీష్ను కొనేందుకు ఏ ఫ్రాంఛైజ్ ఇంట్రెస్ట్ చూపించకపోవడంతో తెలంగాణ కుర్రాడు మెగా వేలంలో అన్ సోల్డ్ ప్లేయర్గా నిలిచాడు. దీంతో ప్రపంచవ్యాప్తంగా క్రేజ్ ఉన్న ఐపీఎల్లో ఆడాలన్న అరవెల్లి అవనీష్ కల నేరవేరలేదు.
కాగా, యువ క్రికెటర్ అరవెల్లి అవనీష్ రావు స్వస్థలం తెలంగాణలో రాజన్న సిరిసిల్ల జిల్లా ముస్తాబాద్ మండలం పోత్గల్ గ్రామం. చిన్నతనం నుండి క్రికెట్పై మక్కువ పెంచుకున్న అవనీష్ అంచెలు అంచెలు ఎదిగి భారత అండర్ 19 వరల్డ్ కప్ జట్టులో స్థానం దక్కించుకున్నాడు. జాతీయ జట్టుకు ఎంపిక కావడంతో అవనీష్ రావు పేరు ఒక్కసారిగా మోర్మోగిపోయింది. అండర్ 19 టీమ్లో చోటు దక్కించుకున్న తెలంగాణ కుర్రాడు ఐపీఎల్లోనూ సత్తా చాటాలనుకున్నాడు.
ఈ క్రమంలోనే ఐపీఎల్ 2025 మెగా వేలంలో పేరు నమోదు చేసుకోగా.. ఫ్రాంఛైజ్లు మాత్రం అవనీష్ను కొనుగోలు చేయకపోవడంతో అన్ సోల్డ్ ప్లేయర్గా నిలిచిపోయాడు. ఇదే మెగా వేలంలో ఆంధ్రకు చెందిన మరో తెలుగు యువ క్రికెటర్ను అదృష్టం వరించింది. తెలుగు ప్లేయర్ షేక్ రషీద్ను చెన్నై సూపర్ కింగ్స్ కొనుగోలు చేసింది. రూ.30 లక్షల బేస్ ప్రైజ్ తో వేలంలోకి వచ్చిన షేక్ రషీద్ను సీఎస్కే కనీస ధరకే దక్కించుకుంది.
