మరో రెండు రోజుల్లో రాష్ట్రంలో జరగబోయే ఎన్నికలకు సంబంధించి తెలంగాణ పోలీసులు రాష్ట్ర వ్యాప్తంగా సోదాలు చేపడుతున్నారు. ఓటర్లను ప్రలోభపెట్టేందుకు డబ్బులు, మద్యం తరలించే అవకాశం ఉండటంతో ప్రతీ వాహనాన్ని క్షుణ్ణంగా పరిశీలిస్తున్నారు. కాగా ఈ రోజు సాయంత్రం వికారాబాద్ జిల్లా కేంద్రంలోని రాజీవ్ నగర్ చెక్ పోస్టులో ఓ కారులో జరిపిన సోదాల్లో పోలీసులు రూ. 1.50 కోట్లు పట్టుకున్నారు. ఈ డబ్బును తాండూర్ కు తరలిస్తున్నట్లుగా వారు గుర్తించారు. అనంతరం ఆ నగదు స్వాధీనం చేసుకొని, కార్ డ్రైవర్ ను అదుపులోకి తీసుకున్నారు.
