హైదరాబాద్, వెలుగు: తెలంగాణ స్టేట్ పవర్ ఇంజినీర్స్ అసోసియేషన్ ప్రెసిడెంట్ గా రత్నాకర్ రావు, సెక్రటరీ జనరల్ గా సదానందం ఎన్నికయ్యారు. శుక్రవారం పవర్ ఇంజినీర్స్ ఎన్నికల ఫలితాలను రిటర్నింగ్అధికారి సమ్మయ్య ప్రకటించారు. రాష్ట్ర వ్యాప్తంగా 4,916 మంది ఇంజినీర్లు ఏఈ స్థాయి నుంచి ఎగ్జిక్యూటీవ్ డైరెక్టర్ స్థాయి వరకు మెంబర్లుగా ఉన్న స్టేట్పవర్ఇంజనీర్స్అసోసియేషన్కు సెంట్రల్కమిటీ, ట్రాన్స్కో, జెన్కో, ఎన్పీడీసీఎల్కమిటీలు ఏకగ్రీవంగా ఎన్నికయ్యాయి.
కాగా.. ఎస్పీడీసీఎల్లో ఈ నెల 13న సీక్రెట్ బ్యాలెట్పద్ధతిలో ఎన్నికలు జరుగగా.. 80.70శాతం ఇంజినీర్లు ఓటింగ్లో పాల్గొన్నారు. శుక్రవారం ఓట్ల లెక్కింపు ద్వారా విజేతలను ప్రకటించారు. అసోసియేట్ ప్రెసిడెంట్ గా జేఎల్ జనప్రియ, అడిషనల్ సెక్రటరీగా ఎం.వెంకటేశ్వర్లు ఎన్నికయ్యారు. నూతనంగా ఎన్నికైనా స్టేట్ ప్రెసిడెంట్రత్నాకర్ రావు, సెక్రటరీ జనరల్ సదానందం మాట్లాడుతూ.. అవకాశం కల్పించిన విద్యుత్ ఇంజనీర్లందరికీ ధన్యవాదాలు తెలిపారు. ప్రభుత్వం, విద్యుత్ సంస్థలతో సమన్వయం చేసుకుని విద్యుత్ ఇంజినీర్ల సమస్యలను పరిష్కరిస్తామని తెలిపారు.
