హైదరాబాద్, వెలుగు: తెలంగాణ ప్రీమియర్ గోల్ఫ్ లీగ్ (టీపీజీఎల్‌) నాలుగో ఎడిషన్‌‌లో ఆటమ్ చార్జర్స్ జట్టు అదరగొడుతోంది. ఐదు క్వాలిఫయింగ్ రౌండ్లలో రెండు రౌండ్లు ముగిసిన తర్వాత ఆటమ్ చార్జర్స్ 408 పాయింట్లతో పట్టికలో అగ్రస్థానంలో నిలిచింది. బుధవారం రెండో రౌండ్ ముగిసిన తర్వాత ఆటమ్ చార్జర్స్ గోల్ఫర్లను స్వాగతించిన టీమ్‌ ఓనర్‌ సరోజా వివేక్‌ అగ్రస్థానంలో నిలిచినందుకు వారిని అభినందించారు. హైదరాబాద్ గోల్ఫ్ అసోసియేషన్ (హెచ్‌‌జీఏ) నిర్వహిస్తున్న ఈ లీగ్‌లో మొత్తం 16 జట్లు పోటీ పడుతున్నాయి. ప్రతీ జట్టులో 12 మంది గోల్ఫర్లు ఉన్నారు.
