హైదరాబాద్, వెలుగు: వచ్చే నెల 15,16న గ్రూప్ 2 పరీక్ష నిర్వహించేందుకు తెలంగాణ పబ్లిక్ సర్వీస్ కమిషన్ (టీజీపీఎస్సీ) ఏర్పాట్లు చేస్తోంది. ఇప్పటికే పరీక్షా కేంద్రాల ఏర్పాటు ప్రక్రియను పూర్తి చేసింది. వచ్చే నెల 9 నుంచి గ్రూప్ 2 ఎగ్జామ్ హాల్ టికెట్లను టీజీపీఎస్సీ వెబ్ సైట్ నుంచి డౌన్ లోడ్ చేసుకోవచ్చని అధికారులు ప్రకటించారు. అయితే, డిసెంబరులోనే ఆర్ఆర్ బీ పరీక్ష ఉందని, గ్రూప్ 2 పరీక్ష వాయిదాపడే అవకాశం ఉందని ప్రచారం మొదలైంది.
డిసెంబర్ 16, 17. 18న ఆర్ఆర్ బీ జేఈ, ఇతర పరీక్షలు ఉన్నాయి. ఈ పరీక్షలు డిప్లొమా, ఐటీఐ క్వాలిఫికేషన్ తోనే ఉన్నాయి. ఈ నేపథ్యంలో గ్రూప్ 2 పరీక్షకు ఆర్ఆర్ బీ పరీక్షతో ఎలాంటి ఆటంకం ఉండబోదని, పరీక్షలు యథాతధంగా నిర్వహించేందుకు ఏర్పాట్లు చేస్తున్నామని టీజీపీఎస్సీ అధికారులు చెప్పారు.
