- గోదావరిఖని నుంచి వెంకట్ కార్తీక్.. గద్వాల నుంచి కృష్ణా కుమ్మరి
గోదావరిఖని/గద్వాల, వెలుగు: చంద్రయాన్ 3 సక్సెస్ టీమ్లో గోదావరిఖని, గద్వాలకు చెందిన ఇద్దరు సైంటిస్ట్లు ఉన్నారు. ఎన్టీపీసీకి చెందిన వెంకట్ కార్తీక్.. బెంగళూరు కేంద్రంగా ఇస్రోలో టెక్నికల్ కమ్యూనికేషన్ విభాగంలో 8 ఏండ్లుగా పని చేస్తున్నాడు. ఎన్టీపీసీలోని చిన్మయ స్కూల్లో టెన్త్ వరకు చదువుకున్న కార్తీక్.. హైదరాబాద్లో బీటెక్(ఈసీఈ), బెంగళూరులో ఎంటెక్ పూర్తి చేశాడు. వెంకట్ కార్తీక్ పేరెంట్స్ సత్యప్రసాద్, రమాదేవి సచ్దేవ్ స్కూల్లో టీచర్లుగా పని చేస్తున్నారు.
అదేవిధంగా, చంద్రయాన్ 3 మిషన్లోని ఏహెచ్ యూసీ, ఐఎల్ఎస్ఏ పేలోడ్స్కు గద్వాల జిల్లా ఉండవల్లి మండల కేంద్రానికి చెందిన కృష్ణా కుమ్మరి.. డేటా ప్రాసెసింగ్ సాఫ్ట్వేర్ రాశాడు. మద్దిలేటి, లక్ష్మిదేవి కొడుకైన కృష్ణా.. బెంగళూరులోని ఇస్రో ల్యాబోరేటరీ ఫర్ ఎలక్ట్రో ఆప్టిక్స్ సిస్టమ్లో ఉద్యోగం చేస్తున్నాడు. ఇంజినీ రింగ్ పూర్తి చేశాక హైదరాబాద్లో 2011 నుంచి 2014 దాకా సీఎస్సీ చేశాడు.
ఓ ప్రైవేట్ కంపెనీలో మూడేండ్లు సాఫ్ట్వేర్ ఇంజినీర్గా పని చేశాడు. 2018లో సైంటిస్ట్గా చేరి.. గ్రూప్ఏ గెజిటెడ్ ఆఫీసర్గా పని చేస్తున్నాడు.
