- పదేండ్ల తర్వాత మొదటిసారి కావడంతో ఉత్కంఠ
హైదరాబాద్, వెలుగు: సెక్రటేరియేట్ అసోసియేషన్ ఎన్నికలు శనివారం జరగనున్నాయి. ఉదయం 11 గంటల నుంచి మధ్యాహ్నం 3 గంటల వరకు పోలింగ్ నిర్వహించనున్నారు. దాదాపు పది రోజుల పాటు అభ్యర్థులు విస్తృత ప్రచారం నిర్వహించారు. సాధారణ ఎన్నికలను తలపించేలా పోటాపోటీగా హామీలు, దావత్లు ఇచ్చారు. రాష్ట్రం వచ్చిన పదేండ్ల తరువాత జరుగుతున్న మొదటి ఎన్నికలు కావడంతో సర్వత్రా ఉత్కంఠ నెలకొన్నది. మొత్తం 1,103 మంది సెక్రటేరియేట్ ఉద్యోగులు ఓటుహక్కును వినియోగించుకోనున్నారు. ఉద్యోగుల్లో సఖ్యత లేకపోవడంతో ఎవరికి వారు వ్యక్తిగతంగా ప్రెసిడెంట్, వైస్ ప్రెసిడెంట్ (జనరల్), వైస్ ప్రెసిడెంట్ వుమన్, జనరల్ సెక్రెటరీ, అడిషనల్ జనరల్ సెక్రటరీ ఇలా 11 పోస్టులకు 70 మంది వరకు పోటీలో ఉన్నారు. ప్రెసిడెంట్ పోస్టుకు 9 మంది పోటీపడుతున్నారు.
