హైదరాబాద్: రాష్ట్రంలో పెట్టుబడులు పెట్టేందుకు మరో 4 పెద్ద సంస్థలు ముందుకొచ్చాయి. ప్రభుత్వంతో రూ.7,592 కోట్ల విలువైన ఒప్పందాలు చేసుకున్నాయి. ఏరోస్పేస్ అండ్ డిఫెన్స్ రంగంలో ఆజాద్ ఇంజనీరింగ్ సంస్థ రూ.300 కోట్ల పెట్టుబడులు పెట్టనుంది. ఘనపూర్లో 25 ఎకరాల విస్తీర్ణంలో సూపర్అల్లాయ్ మాన్యుఫ్యాక్చరింగ్ ప్లాంట్ ఏర్పాటు చేయనుంది. దీని ద్వారా 600 మందికి ఉపాధి కల్పించనుంది. ఎలక్ట్రానిక్స్అండ్ఎనర్జీ స్టోరేజీకి సంబంధించి ప్రీమియర్ ఎనర్జీస్ సంస్థ రూ.1,700 కోట్లతో సోలార్ ఇంగాట్స్, అల్యూమినియం ప్లాంట్ ఏర్పాటు చేయనుంది. సీతారాంపూర్లో 125 ఎకరాల్లో ఏర్పాటు చేయనున్న ఈ ప్లాంట్ద్వారా 1,500 మందికి ఉపాధి కల్పించనుంది.
ఇదే సెక్టార్లో ప్రీమియర్ ఎనర్జీస్ గ్లోబల్ ఎన్విరాన్మెంట్ ప్రైవేట్ లిమిటెడ్ సంస్థ.. సీతారాంపూర్లోనే 4 గిగావాట్ల పీవీటాప్ కాన్సెల్, 4 గిగావాట్ల పీవీటాప్కాన్ మాడ్యూల్స్ మాన్యుఫ్యాక్చరింగ్ యూనిట్ ఏర్పాటు చేయనుంది. 75 ఎకరాల్లో రూ.3,342 కోట్లతో ఏర్పాటు చేయనున్న ఈ యూనిట్ ద్వారా వెయ్యి మందికి ఉపాధి కల్పించనుంది. ఫ్యాబ్సిటీలో లెన్స్కార్ట్సంస్థ.. కళ్లద్దాలను తయారు చేసే మాన్యుఫ్యాక్చరింగ్ యూనిట్ను ఏర్పాటు చేయనుంది. రూ.1,500 కోట్ల పెట్టుబడితో ఏర్పాటు చేయనున్న ఈ యూనిట్ ద్వారా 2,100 మందికి ఉపాధి దొరకనుంది. మొత్తంగా రూ.7,592 కోట్ల పెట్టుబడులకు ఒప్పందాలు జరగ్గా, 5,200 మందికి ఉపాధి లభించనుంది.
