- గత బీఆర్ఎస్ ప్రభుత్వ హయాంలో విలువైన జాగాలను 59 జీవో కింద కొల్లగొట్టే యత్నం
- 900 గజాల చొప్పున వంద మందికి పైగా రెగ్యులరైజేషన్కు అప్లై
- తెర ముందు బినామీలు.. తెరవెనుక బీఆర్ఎస్ పెద్దలు?
- అక్రమాలను గుర్తించిన సర్కార్.. పట్టాల జారీ నిలిపివేసి ఎంక్వైరీ
- బినామీలను అదుపులోకి తీసుకుని విచారించాలని నిర్ణయం
హైదరాబాద్, వెలుగు : గత బీఆర్ఎస్ సర్కార్హయాంలో రెగ్యులరైజేషన్పేరుతో వేల కోట్ల భూదోపిడీకి ప్రయత్నించిన వారిపై చర్యలు తీసుకునేందుకు రాష్ట్ర ప్రభుత్వం రెడీ అవుతున్నది. ప్రధానంగా హైదరాబాద్లోని ఫైనాన్షియల్ డిస్ర్టిక్ట్పరిధిలో ఎకరం రూ.100 కోట్ల దాకా పలుకుతున్న ప్రాంతాల్లో ప్రభుత్వ భూముల్లో బౌండరీలు ఏర్పాటు చేసుకుని, ఎలాంటి నిర్మాణాలు లేకుండానే 59 జీవో కింద అప్లికేషన్లు పెట్టుకున్న వారి చిట్టాను ప్రభుత్వం ఇప్పటికే బయటకు తీసింది.
విలువైన భూముల్లో ఒక్కొక్కరు 900 నుంచి వెయ్యి గజాల వరకు రెగ్యులైజేషన్కు నాటి బీఆర్ఎస్ సర్కార్హయాంలో అప్లై చేసుకున్నారు. కాంగ్రెస్సర్కార్ వచ్చాక ఇలాంటివి 120 దాకా దరఖాస్తులను గుర్తించింది. దీంతో అసలు వీరంతా ఎవరు? నాలా కన్వర్షన్, కరెంట్ కనెక్షన్లు ఏమీ లేకుండానే ఇంత విలువైన ప్రభుత్వ భూములను కొట్టేసేందుకు అప్పట్లో వీరికి ఎవరు సహకరించారో తెలుసుకునేందుకు సిద్ధమైంది.
ఆనాటి సీఎంకు దగ్గరగా ఉన్న ఓ మాజీ ఎంపీతో పాటు పలువురు మాజీ మంత్రులు, ఇద్దరు ఎమ్మెల్సీలు కలిసి వారి బినామీల పేర్లతో సుమారు రూ.2 వేల కోట్లు విలువజేసే ఈ భూములకు టెండర్పెట్టినట్టు ఆఫీసర్లు అనుమానిస్తున్నారు. దీంతో దరఖాస్తు దారులందరినీ అదుపులోకి తీసుకొని విచారిస్తే వాస్తవాలు బయటకు వస్తాయని, అప్పుడు సూత్రధారులపై కేసులు పెట్టవచ్చని భావిస్తున్నారు.
విలువైన భూముల కోసం తేదీలు మార్చి..
ప్రభుత్వ భూముల రెగ్యులరైజేషన్పేరుతో గత బీఆర్ఎస్ సర్కార్ తెచ్చిన జీవో 59ను అడ్డుపెట్టుకొని గ్రేటర్హైదరాబాద్పరిధిలో వందల కోట్ల విలువైన భూములను స్వాహా చేశారని కాంగ్రెస్ప్రభుత్వం గుర్తించింది. వాస్తవానికి 2014 జూన్2 వరకు కబ్జాలో ఉన్న భూములనే రెగ్యులరైజ్చేస్తామని మొదట్లో అప్లికేషన్లు తీసుకున్నారు. కానీ అసెంబ్లీ ఎన్నికలకు సరిగ్గా ఏడాది ముందు 2020 జూన్2 దాకా కబ్జాలో ఉన్న వాటిని కూడా రెగ్యులరైజ్చేసేందుకు అప్పటి బీఆర్ఎస్సర్కార్ గ్రీన్సిగ్నల్ ఇచ్చింది. దీనిపై అప్పట్లోనే పెద్ద ఎత్తున విమర్శలు వచ్చాయి.
విలువైన ప్రభుత్వ భూములను తమ బినామీల ద్వారా కబ్జా పెట్టించాక, వాటిని కొట్టేసేందుకే తేదీల్లో మార్పు చేసినట్టు కాంగ్రెస్సర్కారు తేల్చింది. కొందరైతే ఏకంగా పాత డేట్లతో డాక్యుమెంట్లు సృష్టించినట్టు గుర్తించింది. రంగారెడ్డి జిల్లాలోనే కాకుండా మేడ్చల్-మల్కాజ్గిరి, సంగారెడ్డి, వికారాబాద్, యాదాద్రి భువనగిరి జిల్లాల్లోనూ పెద్దసంఖ్యలో బీఆర్ఎస్ నేతలు కబ్జాలు, తప్పుడు డాక్యుమెంట్లతో రెగ్యులరైజేషన్కు అప్లై చేసుకున్నట్టు ఆఫీసర్ల ఎంక్వైరీలో బయటపడింది.
అనుమానం రావొద్దని వెయ్యి గజాల లోపు..
గ్రేటర్హైదరాబాద్పరిధిలో ఎకరా రూ.100 కోట్లు విలువ చేసే ఫైనాన్షియల్ డిస్ర్టిక్ట్ ఏరియాలో పక్కా ప్రణాళిక ప్రకారం బీఆర్ఎస్నేతలు ప్రభుత్వ స్థలాలను కబ్జా చేసి బినామీల ద్వారా రెగ్యులరైజేషన్కు దరఖాస్తు పెట్టుకున్నారు. ఒకే దగ్గర ఎక్కువ విస్తీర్ణంలో రెగ్యులరైజ్చేసుకుంటే అనుమానం వస్తుందనే ఉద్దేశంతో యావరేజ్గా 900 నుంచి వెయ్యి గజాలలోపు కబ్జా చేసి రెగ్యులరైజేషన్కోసం అప్లై చేసుకున్నారు. నిజానికి 59 జీవో కింద రెగ్యులర్ చేయాలంటే 2020 జూన్2 నాటికి ఆ భూమిలో ఇల్లు కట్టుకొని కబ్జాలో ఉండాలి.
కానీ ఎలాంటి నిర్మాణాలు లేకుండానే అప్లై చేసుకోవడం, ఏకంగా100కు పైగా అప్లికేషన్లలో 900 నుంచి వెయ్యి గజాల వరకు విస్తీర్ణం ఉండడంతో కాంగ్రెస్ప్రభుత్వానికి అనుమానం వచ్చింది. దీంతో సీఎం రేవంత్రెడ్డి ప్రాథమికంగా ఎంక్వైరీ చేయించగా, అవన్నీ తప్పుడు డాక్యుమెంట్లతో రెగ్యులరైజేషన్కు అప్లై చేసుకున్నవని తేలింది. వారంతా గత ప్రభుత్వ పెద్దలకు బినామీలని వార్తలు రావడంతో సర్కార్వాటి రెగ్యులరైజేషన్ను ఆపి ఎంక్వైరీ మొదలుపెట్టింది. ఈ క్రమంలో కొందరు కోర్టుకు వెళ్తుండగా, కౌంటర్లు వేసి మరీ వారి వివరాలను బయటకు తీస్తున్నది.
వాస్తవానికి పోయినేడాది అక్టోబర్లోపే ఆయా భూములను రెగ్యులరైజ్చేసుకోవాల్సి ఉంది. కానీ మళ్లీ బీఆర్ఎస్ప్రభుత్వమే వస్తుందనే ధీమాతో వాటిని ప్రాసెస్చేయలేదు. ఆ లోపు ఎన్నికల కోడ్ రావడంతో రెగ్యులరైజేషన్ప్రక్రియ పూర్తిగా నిలిచిపోయింది. లేదంటే సుమారు రూ.2వేల కోట్ల భూములు అన్యాక్రాంతమయ్యేవే.
