- ఇప్పటికే పది రిజర్వాయర్ల నిర్మాణానికి గ్రీన్సిగ్నల్
- ‘పాలమూరు' స్కీములోని ‘లక్ష్మీదేవిపల్లి’ నిర్మాణానికి సిద్ధం
- ఎనిమిదేండ్లుగా పక్కకు పెట్టిన గత బీఆర్ఎస్ ప్రభుత్వం
- ఎంజీకేఎల్ఐ కింద రిజర్వాయర్లు నిర్మాణానికి త్వరలో ప్రపోజల్స్
- కోయిల్సాగర్ కింద 2 లక్షల ఎకరాలకు సాగునీరు
మహబూబ్నగర్, వెలుగు : కృష్ణా బేసిన్లో తెలంగాణ వాటాకు సంబంధించి సాధ్యమైనంత వరకు నీటిని వినియోగించుకునేందుకు రాష్ట్ర సర్కారు సిద్ధమైంది. ఇందులో భాగంగా కృష్ణా ప్రాంతం ఎక్కువగా ఉండే ఉమ్మడి పాలమూరు జిల్లాలో ఇరిగేషన్ప్రాజెక్టుల డెవలప్మెంట్కు రాష్ర్ట సర్కారు కసరత్తు చేస్తోంది. ఇప్పటికే ‘కొడంగల్–-నారాయణపేట’ స్కీం పరిధిలో పది రిజర్వాయర్ల నిర్మాణానికి గ్రీన్సిగ్నల్ ఇవ్వగా, గత ప్రభుత్వం టేకప్చేయని
‘పాలమూరు' స్కీములోని లక్ష్మీదేవిపల్లి రిజర్వాయర్ను పూర్తి చేయడానికి సిద్ధమవుతోంది. అలాగే, మహాత్మా గాంధీ కల్వకుర్తి లిఫ్ట్ఇరిగేషన్ (ఎంజీకేఎల్ఐ) పరిధిలోని ప్రతి నియోజకవర్గంలో నాలుగైదు టీఎంసీల కెపాసిటీతో రిజర్వాయర్లు నిర్మించేందుకు ప్రపోజల్స్రెడీ చేస్తోంది. కోయిల్సాగర్, భీమా ఫేజ్–1, ఫేజ్–-2, నెట్టెంపాడు స్కీముల్లో పెండింగ్పనుల పూర్తికి, అదనపు ఆయకట్టుకు సాగునీటిని అందించడంపై దృష్టి పెట్టింది.
భూ సేకరణకు ఆదేశాలు
తెలంగాణ ఏర్పాటు తర్వాత గత ప్రభుత్వం రాష్ర్టంలో మొదటి ప్రాజెక్టుగా ‘పాలమూరు-రంగారెడ్డి’ లిఫ్ట్ ఇరిగేషన్స్కీం(పీఆర్ఎల్ఐ)ను టేకప్చేసింది. 2015, జూన్11న పనులు ప్రారంభించింది. స్కీం కింద నార్లాపూర్, ఏదుల, వట్టెం, కర్వెన, ఉదండాపూర్, లక్ష్మీదేవిపల్లి రిజర్వాయర్లు నిర్మించాల్సి ఉండగా, లక్ష్మీదేవిపల్లి పనులు పక్కకు పెట్టేసింది. ఈ స్కీం కింద మొత్తం 12.30 లక్షల ఎకరాల ఆయకట్టుకు సాగునీరందించాల్సి ఉండగా, ఒక్క లక్ష్మీదేవిపల్లి కిందే కల్వకుర్తి, షాద్నగర్, ఇబ్రహీంపట్నం, మహేశ్వరం, పరిగి, చేవెళ్ల, పరిగి నియోజకవర్గాల్లోని 4.13 లక్షల ఎకరాలకు సాగునీరందించాల్సి ఉంది.
అయితే, కెనాల్స్, రిజర్వాయర్నిర్మాణ ప్రాంతాల్లో సినీ స్టార్లు, పొలిటికల్లీడర్లు, ఇతర వర్గాలకు చెందిన పెద్దల భూములుండడంతో భూ సేకరణ చేపట్టలేదు. దీంతో ఈ రిజర్వాయర్పనులకు బ్రేక్పడింది. ప్రస్తుతం కాంగ్రెస్ ప్రభుత్వం ఈ రిజర్వాయర్ను టేకప్చేసేందుకు చర్యలు చేపట్టింది. ఇటీవల ఇరిగేషన్ఆఫీసర్లతో సమావేశమైన ఉమ్మడి పాలమూరు జిల్లా మంత్రి, ఎమ్మెల్యేలు రిజర్వాయర్కు సంబంధించి భూ సేకరణ చేపట్టాలని ఆదేశించారు. సొంత జిల్లా కావడంతో త్వరలో దీనిపై సీఎం ఎనుముల రేవంత్రెడ్డి రివ్యూ కూడా చేయనున్నట్లు తెలిసింది.
నియోజకవర్గానికొక రిజర్వాయర్
ఎంజీకేఎల్ఐ కింద ఎల్లూరు, సింగోటం, జొన్నలబొగుడ, గుడిపల్లి గట్టు రిజర్వాయర్లున్నాయి. వీటి కింద మహబూబ్నగర్, నాగర్కర్నూల్, వనపర్తి జిల్లాల్లోని కొంత ప్రాంతానికి సాగునీరందుతుంది. అయితే, ఈ స్కీములో మరిన్ని రిజర్వాయర్లు నిర్మించాలని రాష్ట్ర సర్కారు భావిస్తోంది. దీని పరిధిలోని అచ్చంపేట, నాగర్కర్నూల్, కల్వకుర్తి, వనపర్తి, కొల్లాపూర్, జడ్చర్ల నియోజకవర్గాలుండగా, ఈ ప్రాంతాల్లో నాలుగు నుంచి ఐదు టీఎంసీల కెపాసిటీతో రిజర్వాయర్ల నిర్మాణం సాధ్యసాధ్యాలపై ప్రపోజల్స్ సిద్ధం చేయాలని ఇటీవల ఆదేశించింది. దీంతో ఆఫీసర్లు దీనిపై కసరత్తు ప్రారంభించారు.
కోయిల్ సాగర్ కెపాసిటీ పెంపు
1966లో ప్రారంభించిన కోయిల్సాగర్ రిజర్వాయర్పై రాష్ట్ర ప్రభుత్వం ఫోకస్ పెట్టింది. ఈ రిజర్వాయర్కింద పాత ఆయకట్టు 12 వేలు మాత్రమే ఉండగా, జలయజ్ఞంలో దానిని 52 వేల ఎకరాలకు పెంచారు. అయితే, మహబూబ్నగర్జిల్లాలో మరిన్ని మండలాలు, నియోజకవర్గాలకు సాగునీటిని అందించేందుకు జూరాల బ్యాక్ వాటర్నుంచి కోయిల్సాగర్కు 20 టీఎంసీలను తరలించేలా గతంలోనే ప్లాన్ చేశారు. దాదాపు రెండు లక్షల ఎకరాలకు సాగునీటిని అందించాలని ప్లాన్ చేశారు. గత ప్రభుత్వం నిర్లక్ష్యంతో ముందడుగు పడలేదు.
అధికారంలోకి వచ్చాక ఇందుకు సంబంధించిన ప్రపోజల్స్సిద్ధం చేయాలని ఆ శాఖను ఆదేశించింది. అలాగే, ఉమ్మడి జిల్లాలోని పెండింగ్స్కీముల పూర్తికి కావాల్సిన ఫండ్స్, ఆ స్కీములకు సంబంధించిన పూర్తి వివరాలు అందించాలని రాష్ట్ర సర్కారు ఆదేశించింది. త్వరలో దీనిపై సీఎం కూడా రివ్యూ చేయనున్నట్లు సమాచారం.
