భద్రాచలం, వెలుగు : బిర్సా ముండా 150వ జయంతి వేడుకలు గిరిజన గౌరవ దినోత్సవాన్ని పురస్కరించుకుని పీఎం ధర్తీ అభజన్ జాతీయ గ్రామ ఉత్కర్ష అభియాన్ను ప్రవేశ పెడుతోందని, ఐటీడీఏ యూనిట్ఆఫీసర్లు ఈ పథకం సక్సెస్ అయ్యేలా ప్రత్యేక శ్రద్ధ తీసుకోవాలని తెలంగాణ రాష్ట్ర ట్రైకార్ జీఎం, స్పెషల్ ఆఫీసర్ శంకర్రావు ఆదేశించారు. ఐటీడీఏ మీటింగ్ హాలులో గురువారం ఆయన ముందస్తు ఏర్పాట్లపై మీటింగ్ నిర్వహించారు.
శుక్రవారం జరిగే ఈ వేడుకలను విజయవంతం చేయాలని కోరారు. కేంద్ర ప్రభుత్వం ఆదివాసీ గిరిజన సంక్షేమం, అభివృద్ధి కోసం అనేక రకాల పథకాలు ప్రవేశపెట్టిందన్నారు. దానిలో భాగంగానే బిర్సా ముండా జయంతి వేళ పీఎం ధర్తీ అభజన్ జాతీయ గ్రామ ఉత్కర్ష అభియాన్ పథకం ప్రవేశపెట్టిందని తెలిపారు.
