వేములవాడ, వెలుగు: ప్రసిద్ధ పుణ్యక్షేత్రమైన వేములవాడ శ్రీ రాజరాజేశ్వర ఆలయంలో భక్తులు స్వామివారికి సమర్పించే తలనీలాలకు కాంట్రాక్టర్డబ్బులు చెల్లించకపోవడంతో గురువారం అధికారులు సీజ్ చేశారు. ఆలయంలోని కల్యాణకట్ట1, కల్యాణ కట్ట2లో భక్తులు సమర్పించే తలనీలాల కాంట్రాక్ట్ను రూ. 19 కోట్లకు ఏపీలోని హిందుపురానికి చెందిన సుమితి ఎంటర్ప్రైజెస్దక్కించుకుంది. సదరు కాంట్రాక్టర్ ప్రతి నెలా రూ. 79 లక్షలు ఆలయానికి చెల్లించాల్సి ఉంది. గత ఏప్రిల్ వరకు కిస్తీలు చెల్లించిన కాంట్రాక్టర్మే నెల నుంచి ఇవ్వడంలేదు.
రూ. 10 కోట్లు కట్టాల్సి ఉంది. టెండర్అగ్రిమెంట్ ప్రకారం.. వచ్చే ఏడాది ఏప్రిల్వరకు గడువు ఉన్నా కాంట్రాక్టర్ మధ్యలోనే చేతులెత్తేశాడు. దీంతో మూడు సార్లు నోటీసులు, ఒకసారి లీగల్నోటీస్ ఆలయ అధికారులు జారీ చేసినా అతను నుంచి రెస్పాన్స్రాలేదు. దీంతో సుమారు రూ.1 కోటి 50 లక్షల విలువైన తలనీలాలు డ్యామేజ్అయ్యే చాన్స్ ఉండగాఆరబెట్టి గన్నీ సంచుల్లో నింపి రూమ్ లో భద్రపరిచిన అనంతరం సీజ్ చేశారు. కాంట్రాక్టర్బకాయిలను చెల్లిస్తే తిరిగి ఇస్తామని, దీనిపై ఇప్పటికే దేవాదాయ శాఖ కమిషనర్ దృష్టికి తీసుకెళ్లామని ఆలయ ఏఈఓ శ్రావణ్ తెలిపారు. .
