న్యూఢిల్లీ: టెలికం కంపెనీలకు 2024 సంవత్సరం పెద్దగా కలసి రాలేదనే చెప్పవచ్చు. ఎందుకంటే ఇవి 5జీ సేవలతోపాటు విస్తరణ కోసం ఈ ఏడాది రూ.70 వేల కోట్లు పెట్టుబడి పెట్టాయి. ఈ మొత్తాన్ని రాబట్టుకునేందుకు టారిఫ్లు పెంచాయి. ఈ నిర్ణయం ఎదురుతన్నింది. దాదాపు రెండు కోట్ల మంది తమ కనెక్షన్లను రద్దు చేసుకున్నారు. చార్జీలను 10–26 శాతం పెంచడంతో రిలయన్స్జియో, ఎయిర్టెల్, వొడాఫోన్ఐడియాకు 2.6 కోట్ల మంది కస్టమర్లు దూరమయ్యారు.
ధరలు పెంచకపోవడంతో చాలా మంది బీఎస్ఎన్ఎల్ కనెక్షన్లు తీసుకున్నారు. అయితే ఈ కంపెనీ ఇప్పటికీ 3జీ సేవలనే అందిస్తోంది. పూర్తిస్థాయిలో 4జీ సేవలను మొదలుపెట్టలేదు. పెట్టుబడులను రాబట్టుకోవడానికి జియో, ఎయిర్టెల్, వొడాఫోన్ ఐడియా మరింత డబ్బు ఖర్చు చేస్తున్నాయి. 5జీని విస్తరించడంతోపాటు కొత్త తరం సేవలు అందించడానికి నిధులు గుమ్మరిస్తున్నాయి.
5జీ ఎకోసిస్టమ్ను బలోపేతం చేయడానికి టెల్కోలు 2022–2027 మధ్య రూ.92,100 కోట్ల నుంచి రూ.1.41 లక్షల కోట్ల వరకు ఇన్వెస్ట్చేసే అవకాశాలు ఉన్నాయి. అయితే టెల్కోలకు శాటిలైట్బ్రాడ్బ్యాండ్రూపంలో కొత్త సమస్య ఎదురవుతుందని భావిస్తున్నారు. ఎలాన్మస్క్కంపెనీ స్టార్లింక్ కోరినట్లుగా కేంద్రం అడ్మినిస్ట్రేటివ్ విధానంలోనే శాటిలైట్ బ్రాడ్బ్యాండ్స్పెక్ట్రమ్ను కేటాయిస్తామని ప్రకటించింది. ఈ విధానాన్ని జియో తీవ్రంగా వ్యతిరేకిస్తోంది. ఇలా చేస్తే స్టార్లింక్ వంటి కంపెనీలకు తక్కువ ధరకు స్పెక్ట్రమ్వస్తుందని, చౌకగా డేటా ఇస్తాయని టెల్కోలు ఆందోళన చెందుతున్నాయి. జియో కూడా శాటిలెట్ బ్రాడ్బ్యాండ్ సేవలను అందించడంపై ఆసక్తిగా ఉంది.
