- ఎమ్మెల్యే గంప గోవర్ధన్కు మాజీ మంత్రి షబ్బీర్ అలీ సవాల్
- ఎవరొచ్చినా కామారెడ్డిలో కాంగ్రెస్దే గెలుపు
కామారెడ్డి, వెలుగు: అభివృద్ధిపై చర్చించేందుకు ఏ ఊరికి రావాలో చెప్పు, వచ్చి నీ అసమర్థ పాలనను నిరూపించేందుకు సిద్ధంగా ఉన్నానని’ కామారెడ్డి ఎమ్మెల్యే గంప గోవర్ధన్కు మాజీ మంత్రి షబ్బీర్ అలీ సవాల్ విసివారు. బుధవారం కామారెడ్డి జిల్లా కేంద్రంలోని పలు వార్డుల్లో మీటింగ్లతో పాటు, మాచారెడ్డి నిర్వహించిన ఆదివాసీ దినోత్సవ ప్రోగ్రామ్లో ఆయన పాల్గొని మాట్లాడారు. గత ఎన్నికల్లో ఆస్తులపై చర్చకు రమ్మని పిలిచి, నేను వచ్చేసరికి పారిపోయారు. ఇటీవల డబుల్ బెడ్రూమ్స్ విషయంలోనూ సవాలు విసిరి, పత్తా లేకుండా పోయారని’ అన్నారు. గ్రామాలకు వెళ్తే ప్రజలు నిలదీస్తారని కార్యకర్తలను అరెస్టు చేయిస్తున్నారన్నారు.
కేసీఆర్ సొంతూరు ఇక్కడే అంటున్నప్పుడు చింతమడకలో ఇచ్చినట్లు.. ఇక్కడ కూడా ఇంటికి రూ.10 లక్షలు ఇప్పించాలని డిమాండ్చేశారు. కామారెడ్డిలో ఎవరొచ్చి పోటీ చేసినా గెలిచేది కాంగ్రెస్ పార్టేనని షబ్బీర్అలీ ధీమా వ్యక్తం చేశారు. కేసీఆర్ గిరిజన వ్యతిరేకి అని, పోడు పట్టాలు అందరికీ ఇవ్వకుండా వంచించారన్నారు. కాంగ్రెస్ అధికారంలోకి రాగానే పోడు భూముల్లో సాగు చేసుకుంటున్న అర్హులందరికీ పట్టాలు ఇస్తామన్నారు. డీసీసీ ప్రెసిడెంట్ కైలాస్శ్రీనివాస్రావు, వైస్ ప్రెసిడెంట్ మద్ది చంద్రకాంత్రెడ్డి, పీసీసీ అధికార ప్రతినిధి ఎడ్ల రాజిరెడ్డి, లీడర్లు గణేశ్ నాయక్, లక్ష్మారెడ్డి పాల్గొన్నారు.
