తమిళ నటుడు సూరి లీడ్ రోల్‌‌లో నటిస్తున్న చిత్రం ‘మందాడి’. మతిమారన్ పుగళేంది దర్శకత్వం వహిస్తున్నాడు. ఎల్రెడ్ కుమార్ సమర్పణలో ఆర్ఎస్ ఇన్ఫోటైన్‌‌మెంట్‌ సంస్థ నిర్మిస్తోంది. స్పోర్ట్స్ యాక్షన్ డ్రామాగా తెరకెక్కుతోన్న ఈ మూవీ నుంచి ఫస్ట్ లుక్‌‌ను రిలీజ్ చేశారు మేకర్స్.
ఇందులో సూరి ఇంటెన్స్ లుక్‌‌లో కనిపిస్తూ ఇంప్రెస్ చేస్తున్నాడు. ఈ చిత్రంతో తెలుగు నటుడు సుహాస్ తమిళ ఎంట్రీ ఇవ్వబోతున్నాడు. సుహాస్‌‌తో పాటు మహిమా నంబియార్ కీలక పాత్ర పోషిస్తున్నారు. సత్యరాజ్, రవీంద్ర విజయ్, అచ్యుత్ కుమార్ ఇతర పాత్రల్లో కనిపించనున్నారు.
ఫస్ట్ లుక్ లాంచ్ ఈవెంట్‌‌లో దర్శకుడు మాట్లాడుతూ ‘ఈ చిత్రం సూరి కెరీర్‌‌‌‌లో స్పెషల్‌‌గా నిలిచిపోతుంది. అతని నటనతో పాటు మేకోవర్ ప్రతి ఒక్కర్నీ ఆశ్చర్యపరుస్తుంది. వెట్రి మారన్ సర్ నాకు సపోర్ట్‌‌గా నిలవడం చాలా ఆనందంగా ఉంది. జీవీ ప్రకాష్ కుమార్ మ్యూజిక్ సినిమాకు హైలైట్‌‌గా నిలుస్తుంది’ అని చెప్పాడు.
