తెలుగు సినీ దర్శకుడు జాగర్లమూడి రాధాకృష్ణ.. అదేనండీ ‘గమ్యం’, ‘వేదం’ లాంటి గొప్ప సినిమాలు తెరకెక్కించిన దర్శకుడు క్రిష్ రెండో పెళ్లి చేసుకున్నారు. ప్రీతి చల్లా అనే యువతిని ఆయన పెళ్లి చేసుకున్నారు. చాలా సింపుల్గా.. పరిమిత సంఖ్యలో హాజరైన బంధుమిత్రుల మధ్య ఈ జంట ఒక్కటైంది. ఈ ఇద్దరి పెళ్లి ఫొటోలు ప్రస్తుతం నెట్టింట వైరల్గా మారాయి.
ప్రీతి చల్లా వైద్య వృత్తిలో ఉన్నారు. క్రిష్ పెళ్లి చేసుకున్న డాక్టర్ ప్రీతి చల్లా హైదరాబాద్లో గైనకాలజిస్ట్గా పనిచేస్తున్నారు. అమీర్ పేట్ లో ‘‘చల్లా హాస్పిటల్స్’’ పేరుతో ఆమెకు సొంత హాస్పిటల్ కూడా ఉంది. ప్రీతి చల్లా.. MBBS, MS -Obstetrics & Gynaecology చేశారు.
ప్రీతి చల్లా వయసు నవంబర్ 12, 2024 నాటికి 41 సంవత్సరాలు. ప్రీతి చల్లా పుట్టినరోజు నవంబర్ 12 కావడం, పుట్టినరోజుకు ఒక్కరోజు ముందే వైవాహిక జీవితంలోకి ఆమె అడుగుపెట్టడం విశేషం. డాక్టర్ ప్రీతి చల్లా టీం ఆమెకు శుభాకాంక్షలు తెలుపుతూ ఇన్స్టాగ్రాంలో పోస్ట్ పెట్టడంతో చాలామంది నెటిజన్లకు విషయం తెలిసింది.
‘‘ప్రీతి చల్లా తన జీవితంలో ఒక అందమైన ప్రయాణంలోకి అడుగిడిన శుభ సందర్భంగా ఇవే మా శుభాకాంక్షలు’’ అని క్రిష్, ప్రీతి చల్లా పెళ్లి ఫొటోను ఆమె టీం పోస్ట్ చేసింది. నెటిజన్లు ఈ కొత్త జంటకు శుభాకాంక్షలు తెలిపారు.
క్రిష్, ప్రీతి చల్లా కొంత కాలంగా ప్రేమలో ఉన్నారు. ఈ ఇద్దరూ ఫ్యామిలీ ఫ్రెండ్స్. క్రిష్ సొంత జిల్లా అయిన గుంటూరు జిల్లాకు చెందిన ఫ్యామిలీనే చల్లా ప్రీతిది కూడా. 2023లో ప్రీతి చల్లా పుట్టినరోజు పార్టీలో కూడా క్రిష్ కనిపించారు.
క్రిష్కు 2016లో రమ్య వెలగ అనే డాక్టర్తో వివాహమైంది. రెండేళ్ల పాటు ఈ ఇద్దరూ వైవాహిక బంధంలో కొనసాగారు. అభిప్రాయ భేదాలు తలెత్తడంతో 2018లో పరస్పర అంగీకారంతో క్రిష్, రమ్య విడాకులు తీసుకున్నారు. ఇప్పుడు ప్రీతి చల్లాను క్రిష్ రెండో పెళ్లి చేసుకున్నారు.
క్రిష్ ప్రస్తుతం అనుష్కతో ‘ఘాటి’ అనే పాన్ ఇండియా సినిమా చేస్తున్నారు. ఇటీవల విడుదల చేసిన ‘ఘాటి’ గ్లింప్స్తో ఈ సినిమాలో అనుష్క శెట్టి పాత్రపై దర్శకుడు క్రిష్ ఉత్కంఠ పెంచేశారు.
పవన్ కల్యాణ్ ‘హరిహరవీరమల్లు’ సినిమాలోని కొంత భాగానికి దర్శకత్వం వహించిన క్రిష్ అనివార్య కారణాల వల్ల తప్పుకున్నారు. ‘రూల్స్ రంజన్’ సినిమా దర్శకుడు జ్యోతి కృష్ణ ‘హరిహరవీరమల్లు’ సినిమా బాధ్యతలను భుజానికెత్తుకున్నారు.
