- ఘనంగా తెలుగు సంగమం సంక్రాంతి సమ్మేళనం
గండిపేట్, వెలుగు: తెలుగు సంగమం సంక్రాంతి సమ్మేళనం- నార్సింగిలోని ఓం కన్వెన్షన్ హాల్ లో ఆదివారం ఘనంగా జరిగింది. తెలుగు సంగమం వ్యవస్థాపకులు, బీజేపీ నేత పి.మురళీధర్ రావు అధ్వర్యంలో నిర్వహించిన ఈ కార్యక్రమానికి త్రిపుర గవర్నర్ ఇంద్రసేనారెడ్డి, కేంద్ర మంత్రి కిషన్రెడ్డి, అవనిగడ్డ ఎమ్మెల్యే మండలి బుద్ధప్రసాద్ ముఖ్య అతిథులుగా హాజరయ్యారు. త్రిపుర గవర్నర్ ఎన్. ఇంద్రసేనారెడ్డి మాట్లాడుతూ తల్లిదండ్రులు తమ పిల్లలను తెలుగు మాట్లాడేలా ప్రొత్సహించాలన్నారు.
రాబోయే తరాల కోసం తెలుగును నిలబెట్టడానికి, ప్రొత్సహించడం అందరి బాధ్యత అని మురళీధర్ రావు అన్నారు. విశ్వయోగి విశ్వంజీ మహరాజ్, నటుడు రాజేంద్రప్రసాద్, సిలికాన్ ఆంధ్రా విశ్వవిద్యాలయం అధ్యక్షుడు డాక్టర్ కూచిబొట్ల ఆనంద్. భగవద్గీత ఫౌండేషన్ వ్యవస్థాపకులు డాక్టర్ ఎల్వీ గంగాధర్ శాస్త్రి, వీవీ లక్ష్మీనారాయణ, ఎంపీ కొండా శ్వర్రెడ్డి, ఎంపీ రఘునందన్రావు, ఎమ్మెల్యే కామినేని శ్రీనివాసరావు పాల్గొన్నారు. సాంప్రదాయ నృత్యాలు, శ్రావ్యమైన పాటలు, సాహిత్య చర్చలు ఆకట్టుకున్నాయి.
