పుణె : ప్రొ కబడ్డీ లీగ్ 11వ సీజన్‌‌‌‌‌‌‌‌లో తెలుగు టైటాన్స్ వరుసగా రెండోసారి మొత్తంగా ఏడోసారి పరాజయం పాలైంది. బుధవారం ఉత్కంఠగా జరిగిన లీగ్ మ్యాచ్‌‌‌‌‌‌‌‌లో యూపీ యోధాస్ 36–33 తేడాతో టైటాన్స్‌‌‌‌‌‌‌‌పై గెలిచింది. ఫస్టాఫ్‌‌‌‌‌‌‌‌ను 17–10 ఆధిక్యంతో ముగించిన టైటాన్స్ బ్రేక్ తర్వాత తడబడింది. ఓ దశలో 21–30తో నిలిచింది. మరో రెండు నిమిషాల్లో ఆట ముగుస్తుందనగా టైటాన్స్ రైడర్‌ మంజీత్ ఆరు పాయింట్ల సూపర్‌ రైడ్‌‌‌‌‌‌‌‌తో విజయంపై ఆశలు రేపాడు.
కానీ, చివర్లో వరుస తప్పిదాలు చేసిన టైటాన్స్ చేజేతులా ఓడింది. యూపీ జట్టులో రైడర్‌ గగన్ గౌడా 15 పాయింట్లతో సత్తా చాటాడు. టైటాన్స్ కెప్టెన్ విజయ్ మాలిక్ (11) , మంజీత్ (7) పోరాడినా ఫలితం లేకపోయింది. మరో మ్యాచ్‌‌‌‌‌‌‌‌లో బెంగాల్ వారియర్స్ 39–32తో టేబుల్ టాపర్‌ హర్యానా స్టీలర్స్‌‌‌‌‌‌‌‌ను ఓడించింది.
