ఈ ఏడాది ప్రారంభంలో ‘టిల్లు స్క్వేర్’తో సక్సెస్‌‌ను అందుకున్న సిద్దు జొన్నలగడ్డ.. ప్రస్తుతం ‘తెలుసు కదా’ అనే చిత్రంలో నటిస్తున్నాడు. ప్రముఖ స్టైలిస్ట్ నీరజ కోన ఈ చిత్రంతో దర్శకురాలిగా పరిచయం అవుతోంది. ప్రస్తుతం ఈ మూవీ షూటింగ్ శరవేగంగా జరుగుతోంది. తాజాగా మహారాష్ట్రలో కొత్త షెడ్యూల్‌‌ను స్టార్ట్ చేశారు. ఇది 24 రోజుల లాంగ్ షెడ్యూల్‌ అని మేకర్స్ తెలియజేశారు.
సిద్దు, శ్రీనిధి శెట్టిపై సాంగ్‌‌తో షూటింగ్‌‌ను మొదలుపెట్టారు. ఈ పాటతో పాటు ఇంపార్టెంట్ టాకీ పార్ట్‌‌ని కూడా చిత్రీకరించనున్నారు. ఇందులో కీలక నటీనటులంతా పాల్గొంటున్నారు. ఈ చిత్రంలో కంప్లీట్ న్యూ అండ్ స్టైలిష్ అవతార్‌‌లో సిద్ధు కనిపించనున్నాడు. రాశీ ఖన్నా మరో హీరోయిన్‌‌గా నటిస్తుంది. వైవా హర్ష కీలకపాత్ర పోషిస్తున్నాడు. పీపుల్ మీడియా ఫ్యాక్టరీ బ్యానర్‌‌‌‌పై టీజీ విశ్వప్రసాద్ నిర్మిస్తున్నారు. వివేక్ కూచిభొట్ల కో ప్రొడ్యూసర్. తమన్ సంగీతం అందిస్తున్నాడు.
