భారత్‍లో మరో అధునాతన అంతర్జాతీయ క్రికెట్ స్టేడియం రూపుదిద్దుకోనున్న విషయం తెలిసిందే. మహా శివుడి థీమ్‍తో ఉత్తర ప్రదేశ్‍లోని వారణాసి(కాశీ)లో ఈ స్టేడియాన్ని నిర్మిస్తున్నారు. ఈ క్రికెట్ స్టేడియానికి నేడు(సెప్టెంబర్ 23) భారత ప్రధాన మంత్రి నరేంద్ర మోదీ శంకుస్థాపన చేశారు. ఈ కార్యక్రమానికి క్రికెట్ దిగ్గజం సచిన్ టెండూల్కర్ సహా మరికొందరు మాజీ క్రికెటర్లు, ప్రముఖులు హాజరయ్యారు.
స్టేడియం శంకుస్థాపన సందర్భంగా మాట్లాడిన మోదీ.. మహాదేవుడి నగరంలో నిర్మించే ఈ స్టేడియాన్ని మహాదేవుడికే అంకితమిస్తున్నాం అని ప్రకటన చేశారు. అనంతరం క్రికెట్ దిగ్గజం సచిన్ టెండూల్కర్.. ప్రధాని మోదీకి ఓ కానుక ఇచ్చారు. నమో అని రాసి ఉన్న టీమిండియా జెర్సీని సచిన్.. మోడీకి అందజేశారు. ఆ సమయంలో కార్యక్రమానికి హాజరైన వారందరూ ఆనందంతో హర్షధ్వానాలు చేశారు. అందుకు సంబంధించిన వీడియో సోషల్ మీడియాలో వైరల్‌గా మారింది.
The legend @sachin_rt gifted the Hon'ble PM Shri @narendramodi Ji an Indian Cricket Team jersey with ‘NAMO’ written on the back. pic.twitter.com/IVm1Y7KFhA
— Harsh Sanghavi (@sanghaviharsh) September 23, 2023
మహా శివుడి ప్రేరణతో
ప్రముఖ పుణ్యక్షేత్రమైన కాశీ(వారణాసి)లో మహా శివుడి ప్రేరణతో ఈ క్రికెట్ స్టేడియాన్ని నిర్మించనున్నారు. ఈ స్టేడియం డూమ్.. ఢమరుకం షేప్‍లో ఉండనుండగా, ఫ్లడ్ లైట్స్ శివుడి త్రిశూలం ఆకారంలో, ఎంట్రెన్స్ డిజైన్ బిల్వ పత్రంలా రూపొందించనున్నారు. అలాగే, స్టేడియం రూఫ్ నెలవంక ఆకారాన్ని పోలి ఉండనుంది.
దాదాపు 450 కోట్ల వ్యయంతో సుమారు 30 ఎక‌రాల్లో ఈ స్టేడియాన్ని నిర్మిస్తున్నారు. 30వేల మంది ఈ స్టేడియం సామ‌ర్థ్యం. డిసెంబ‌ర్ 2025లోపు ఈ స్టేడియం నిర్మాణం పూర్తికానుంది. కాగా, యూపీలో కాన్పూర్, ల‌క్నో తరువాత ఇది మూడ‌వ అంతర్జాతీయ క్రికెట్ స్టేడియం.
PM @narendramodi will lay the foundation stone of the International Cricket Stadium in Varanasi today. The stadium lights will be like Trishul & the entry will be with Shivji Damru. pic.twitter.com/BTWGllZj6a
— DR.TEENA KAPOOR SHARMA (@Teenasharma_77) September 23, 2023
