కొత్తకోట, వెలుగు: శంకరసముద్రం నిర్వాసితుల మీటింగులో బీఆర్ఎస్, కాంగ్రెస్ లీడర్ల మధ్య కొట్లాట జరగడంతో ఉద్రిక్తత చోటు చేసుకుంది. వనపర్తి జిల్లా కొత్తకోట మండలం శంకర సముద్రం ప్రాజెక్టులో ముంపునకు గురవుతున్న కానాయపల్లి నిర్వాసితులతో ఆర్అండ్ఆర్ వద్ద శుక్రవారం కలెక్టర్తేజస్లాల్పవార్, ఎమ్మెల్యే ఆల వెంకటేశ్వరరెడ్డి సమావేశమయ్యారు. సమస్యలు అధికారుల దృష్టికి తీసుకెళ్లాలని సర్పంచ్ సుదర్శన్రెడ్డి సూచించడంతో ముంపు గ్రామానికి చెందిన కాంగ్రెస్ పార్టీ మండల అధ్యక్షుడు నరోత్తంరెడ్డి మాట్లాడుతూ రిజర్వాయర్ నిర్మించింది కాంగ్రెస్ పార్టీ అని, నిర్వాసితులకు పరిహారం ఇచ్చేది కూడా కాంగ్రెస్ పార్టీయేనన్నారు.
దీంతో బీఆర్ఎస్కు చెందిన పీఏసీఎస్ మాజీ చైర్మన్ రావుల సురేంద్రనాథ్రెడ్డి నిర్వాసితుల సమావేశంలో రాజకీయాలు ఎందుకు మాట్లాడుతున్నావని దబాయించారు. ఇద్దరి మధ్య మాటామాట పెరగడంతో పోలీసులు నరోత్తంరెడ్డిని అదుపులోకి తీసుకునేందుకు ప్రయత్నించారు. నిర్వాసితులు అడ్డుకోవడంతో వెనక్కి తగ్గారు. ఎమ్మెల్యే మాట్లాడుతూ నిర్వాసితులు అంగీకరిస్తే రిజర్వాయర్దగ్గరలో 360 మందికి ఇండ్ల స్థలాలు ఇస్తామని, గృహలక్ష్మి పథకాన్ని వర్తింపజేస్తామన్నారు. వామన్ గౌడ్, గుంత మౌనిక, పొగాకు విశ్వేశ్వర్, రావుల సురేంద్రనాథ్రెడ్డి, వడ్డే శ్రీను, గాడిల ప్రశాంత్, అమ్మపల్లి బాలకృష్ణ పాల్గొన్నారు.
