- మా భూములు ఇయ్యం
- కాంగ్రెస్ నాయకుడిపై దాడి, కారు ధ్వంసం
కొడంగల్, వెలుగు: ఫార్మా విలేజ్ ప్రజాభిప్రాయ సేకరణలో ఉద్రిక్తత నెలకొంది. కొడంగల్ నియోజకవర్గంలోని పోలేపల్లి, లగచర్ల, హకీంపేట, రోటిబండ తండా ప్రాంతంలో ఇండస్ట్రియల్కారిడార్ ఏర్పాటుకు ప్రభుత్వం భూసేకరణ ప్రారంభించిన విషయం తెలిసిందే. లగచర్లలో ప్రజాభిప్రాయ సేకరణకు అధికారులు శనివారం వెళ్లగా.. తమ భూములు ఇచ్చేది లేదంటూ అక్కడి రైతులు ఆందోళనకు దిగారు.
ఈ క్రమంలో అక్కడకు వచ్చిన దుద్యాల కాంగ్రెస్ మండల అధ్యక్షుడు శేఖర్ కారును ధ్వంసం చేసి ఆయనపై దాడికి యత్నించారు. దీంతో రంగంలోకి దిగిన పోలీసులు ఆందోళనకారులను చెదరగొట్టారు. వికారాబాద్ ఎస్పీ నారాయణరెడ్డి, అడిషనల్కలెక్టర్ లింగ్యానాయక్ ఘటనాస్థలానికి చేరుకొని రైతులతో మాట్లాడారు. చట్టాన్ని ఎవరూ చేతిలోకి తీసుకోవద్దని, సమస్య ఉంటే పోలీసుస్టేషన్లో ఫిర్యాదు చేయాలని రైతులకు సూచించారు. గతంలో తమ పట్ల అనుచితంగా ప్రవర్తించి దుద్యాల కాంగ్రెస్ మండల అధ్యక్షుడిపై ఎస్పీకి రైతులు ఫిర్యాదు చేశారు.
