నిర్మల్ భైంసా రహదారిపై ఉద్రిక్త వాతావరణం నెలకొంది. దిలావర్పూర్ మండలం.. గుండవపల్లి గ్రామాల మధ్య ఇథనాల్ ఫ్యాక్టరీని ఏర్పాటు చేయాలని ప్రభుత్వ నిర్ణయాన్ని వ్యతిరేకిస్తూ చేపట్టిన ధర్నా రెండో రోజుకు చేరింది. ప్రస్తుతందిలావర్ పూర్ లో టెన్షన్ వాతావరణం ఉండటంతో భారీగా పోలీసులు మోహరించారు. ఈ ఫ్యాక్టరీ ఇక్కడ వద్దని... మరో ప్రదేశానికి తరలించాలని స్థానికులు ఆందోళన చేశారు.
ఆందోళనకారులతో చర్చించేందుకు ఆర్డీవో రత్న కళ్యాణి రాగా... మహిళా అధికారిని కారులోనే నిర్భంధించారు. కలెక్టర్ రావాలని డిమాండ్ చేస్తూ ఇక్కడ ఇథనాల్ ఫ్యాక్టరీ పెట్టమని స్పష్టమైన హామీ ఇస్తేనే ఆర్డీవోను వదలిపెడతామని దిలావర్పూర్ గ్రామస్తులు డిమాండ్ చేశారు. ఈ విషయంలో ఉన్నతాధికారుల ఆదేశాలతో ఆర్డీవోను పోలీసుల సాయంతో పంపేందుకు ప్రయత్నం చేయగా ..ఆందోళనకారులు ఆర్డీవో కారు అద్దాలు పగలగొట్టి ధ్వంసంచేశారు. ఈ తరువాత పోలీస్ వాహనంలో ఆర్డీవోను తరలించారు. ఆందోళనకారులు సంయమనం పాటించి.. ప్రభుత్వంతో చర్చలు జరపాలని ఎస్పీ జానకి షర్మిల సూచించారు.
