- ఫీజు చెల్లించేందుకు ఈ నెల 16 వరకు అవకాశం
- మూడు సబ్జెక్టుల వరకు రూ.110, అంతకు మించి రాయాలంటే రూ.125 ఫీజు
హైదరాబాద్, వెలుగు: రాష్ట్రంలో టెన్త్ అడ్వాన్స్డ్ సప్లిమెంటరీ పరీక్షలను జూన్ 3 నుంచి13 వరకు నిర్వహించనున్నామని ప్రభుత్వ పరీక్షల విభాగం డైరెక్టర్ కృష్ణారావు తెలిపారు. ఉదయం 9.30 గంటల నుంచి మధ్యాహ్నం 12.30 గంటల వరకు పరీక్షలు ఉంటాయని చెప్పారు.
ఫెయిలైన విద్యార్థులు ఎలాంటి ఫైన్ లేకుండా ఈ నెల16 వరకు హెడ్మాస్టర్లకు ఫీజు చెల్లించాలని సూచించారు. మూడు సబ్జెక్టుల వరకు రాయాలనుకుంటే రూ.110, అంతకు మించి రాయాలనుకుంటే రూ.125 ఫీజుగా చెల్లించాలని కోరారు.
