'అన్నయ్య.. అమ్మ నాన్నలను జాగ్రత్తగా చూసుకో. నేను ప్రేమ పేరుతో మోసపోయాను. ఒకరు నన్ను టార్చర్ చేస్తున్నారు. బతకాలని లేదు. మిమ్మల్ని వదిలేసి వెళ్లిపోతున్నాను. నా లైఫ్ ముగిసింది. మిమ్మల్ని మిస్ అవుతున్నాను'.. అంటూ ఓ బాలిక రాసిన సూసైడ్నోట్ చూపరులను కంటతడి పెట్టిస్తోంది.
ప్రేమ పేరుతో ఒకరి చేతిలో మోసపోయానని బాలిక ఆత్మహత్య చేసుకున్న ఘటన నిజామాబాద్లో ఆగస్టు 26న జరిగింది. పోలీసులు తెలిపిన వివరాల ప్రకారం.. జిల్లా కేంద్రానికి చెందిన ఓ బాలిక పదో తరగతి చదువుతోంది.
ఆమె తల్లి శనివారం ఉదయం కూరగాయల మార్కెట్కు వెళ్లి పనులు పూర్తి చేసుకుని ఇంటికి వచ్చి చూసే సరికి బాలిక దూలానికి ఉరేసుకుని ఉంది. తల్లి ఆందోళన చెంది ఆమెను కిందకి దించింది. బాలిక అప్పటికే మృతి చెందింది.
ప్రేమించిన వ్యక్తి సోషల్ మీడియాలో వేధిస్తున్నందుకే ఆమె ఆత్మహత్య చేసుకుని ఉంటుందని పోలీసులు భావిస్తున్నారు. అతని ఫోన్ నంబర్సూసైడ్లెటర్లో రాసి ఉంది. ప్రేమించిన వ్యక్తి మైనర్ అని పోలీసులు వెల్లడించారు.
తల్లి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు.
