ధర్మపురి, వెలుగు: సమ్మెలో భాగంగా జగిత్యాల జిల్లా ధర్మపురి తహసీల్దార్ ఆఫీస్ ఎదుట నిరసన తెలుపుతున్న అంగన్వాడీ టీచర్లు, హెల్పర్లపై గురువారం టెంట్లు కూలడంతో ముగ్గురు గాయపడ్డారు. తమ డిమాండ్లు పరిష్కరించాలని కొన్ని రోజులుగా తహసీల్దార్ఆఫీసు ఎదుట టెంట్లువేసుకుని నిరసన తెలుపుతున్నారు.
గురువారం తెల్లవారుజాము నుంచి ఈదురు గాలులతో కూడిన వర్షం పడడంతో టెంట్లు తడిసిపోయాయి. అవి కూలి నిరసన తెలుపుతున అంగన్వాడీలపై పడ్డాయి. ముగ్గురికి స్వల్ప గాయాలయ్యాయి. స్థానికులు108 అంబులెన్స్ కు సమాచారం ఇచ్చినా స్పందించకపోవడంతో ఆటోలో దవాఖానకు తరలించి చికిత్స అందించారు.
