లింక్డ్ ఇన్ ఈ పేరు వింటే టక్కున గుర్తొచ్చేది ఏంటి.. నేర్చుకున్న నైపుణ్యాలతో మనకు సెట్అయ్యే జాబ్లను క్షణాల్లో చూపిస్తుంది. అందుకే ఈ సైట్ బాగా పాపులర్ అయింది. అలాంటి సైట్ఇప్పుడు ఖర్చు తగ్గించుకునే పనిలో ఉంది. అందులో భాగంగా ఉద్యోగులను తొలగించాలని నిర్ణయించుకుంది.
716 మంది ఉద్యోగులు...
డిమాండ్ తగ్గుదల కారణంగా 716 మంది ఉద్యోగులను తీసేయనున్నట్లు లింక్డ్ఇన్ యాజమాన్యం ప్రకటించింది. ఫిబ్రవరిలోనూ ఉద్యోగులను తొలగించింది. ఆ నిర్ణయం అప్పుడు రిక్రూటింగ్ బృందాన్ని ప్రభావితం చేసింది. మైక్రోసాఫ్ట్ యాజమాన్యంలోని జాబ్స్ ప్లాట్ఫాంలో దాదాపు 20 వేల మంది ఉద్యోగులు ఉన్నారు. రెండు త్రైమాసికాలుగా ఆదాయం పెరిగినప్పటికీ ఉద్యోగులను తొలగించాలని కంపెనీ నిర్ణయించడం గమనార్హం. కంపెనీ కార్యకలాపాలను క్రమబద్ధీకరించడం, ఖర్చులను తగ్గించుకోవడానికే ఉద్యోగాలు తొలగిస్తున్నట్లు కంపెనీ సీఈవో ర్యాన్ రోస్లాన్క్సీ తెలిపారు. కంపెనీ ఈ నిర్ణయం తీసుకోవడం పట్ల ఉద్యోగులు పెదవి విరుస్తున్నారు.
