బొలెరో – జీపు ఢీ.. పిట్టగోడ ఎక్కి నిలిచిపోయిన జీపు
కర్నూలు: భూకైలాస క్షేత్రమైన శ్రీశైలం శిఖరం వద్ద నంది సర్కిల్ సమీపంలో ఘోర రోడ్డు ప్రమాదం తృటిలో తప్పిపోయింది. అసలే వర్షాకాలం.. జోరుగా వర్షం కురుస్తున్న సమయంలో ఘాట్ రోడ్డులో .. జీపు.. బొలెరో వాహనాలు ఢీకొన్నాయి. అదృష్టవశాత్తు జీపు ఘాట్ రోడ్డు పిట్టగోడ ఎక్కి నిలిచిపోయింది. అయితే ఈ ప్రమాదంలో ఐదుగురు తీవ్రంగా గాయపడ్డారు. సమీపంలోని ప్రజలు గుర్తించి వెంటనే సహాయక చర్యలు చేపట్టారు. గాయపడిన వారిని సున్నిపెంట ప్రభుత్వ ఆస్పత్రికి తరలించారు. గాయపడిన వారిలో ఒకరి పరిస్థితి ఆందోళనకరంగా ఉన్నట్లు సమాచారం.
