కాశ్మీర్‌లో టెర్రరిస్టులకు అమెరికా వెపన్స్

• ఐఎస్ఐ అందజేస్తున్నట్లు ఇంటెలిజెన్స్ వర్గాల వెల్లడి
• భద్రతా బలగాల్లో కలవరం
• అఫ్గాన్​లో యూఎస్ సైనికులు వదిలిపెట్టిన ఆయుధాలేనని నిర్ధారణ

న్యూఢిల్లీ: అమెరికాకు చెందిన అత్యంత పవర్ ఫుల్ వెపన్స్ పాకిస్తాన్ టెర్రరిస్టుల చేతికి చిక్కడం భద్రతా బలగాల్లో ఆందోళన కలిగిస్తోంది. 2021లో అఫ్గానిస్తాన్​ నుంచి వాపస్ పోయే టైంలో అమెరికా సైన్యం దాదాపు రూ.6 లక్షల కోట్ల విలువైన వెపన్స్​ను అక్కడే వదిలేసింది. వాటిలో వేలాదిగా ఎం4 రైఫిల్స్ ఉన్నాయి. బులెట్ ప్రూఫ్​ను కూడా ఛేదించగల కెపాసిటీ ఉన్న ఆ వెపన్స్.. కాశ్మీర్​లోకి చొరబడిన టెర్రరిస్టుల వద్ద తరచుగా లభిస్తున్నాయి. ఈ ఆయుధాలను పాక్ ఇంటలిజెన్స్ ఏజెన్సీ(ఐఎస్ఐ)నే టెర్రరిస్టులకు అందజేస్తున్నట్లు మన దేశ ఇంటలిజెన్స్ వర్గాలు సందేహిస్తున్నాయి. 

పుల్వామాలో ఫస్ట్ టైం..

ఎం4 రైఫిల్స్ తో ఇటీవలి కాలంలో మనదేశ భద్రతా బలగాలకు తీవ్ర నష్టం వాటిల్లింది. జైషే మహ్మద్​కు చీఫ్ మసూద్ అజార్ మేనల్లుడు తల్హా రషీద్​ మసూద్​ను ఇండియన్ ఆర్మీ మట్టుబెట్టినప్పుడు ఎం4 రైఫిల్ తొలిసారి పుల్వామాలో కనిపించింది. అనంతరం కథువా, రియాసి, పూంచ్ సెక్టార్, రాజౌరిలో జరిగిన టెర్రరిస్టుల దాడుల సమయంలోనూ ఎం4 కార్బైన్ వెపన్స్ కనిపించాయి. తాజాగా ముగ్గురు టెర్రరిస్టులను ఎన్​కౌంటర్ చేసిన కాశ్మీర్​లోని అఖ్నూర్  ప్రాంతం నుంచి కూడా ఎం4 రైఫిళ్లను భద్రతా బలగాలు స్వాధీనం చేసుకున్నాయి.

ఎంత పవర్​ఫుల్ అంటే.. 

ఎం4 కార్బైన్ అనేది తేలికైన, గ్యాస్- ఆపరేటెడ్, ఎయిర్-కూల్డ్, మ్యాగజైన్-ఫెడ్ అసాల్ట్ రైఫిల్. ఇవి బులెట్ ప్రూఫ్ నుంచైనా చొచ్చుకుపోగలి గే కెపాసిటీ కలిగి ఉన్నాయి. 500 మీటర్ల దూరంలోని టార్గెట్​ను సులభంగా ఫైరింగ్ చేయగలిగే ఈ రైఫిల్​తో నిమిషానికి 700 నుంచి 900 రౌండ్లు కాల్చవచ్చు. దీని మ్యాగ్జిమమ్ ఫైరింగ్ పరిధి 3,600 మీటర్లు.