కొత్త ఏడాదైనా ప్రపంచ కప్ కల నెరవేరేనా..? 2024లో టీమిండియా పూర్తి షెడ్యూల్

మరికొన్ని గంటల్లో పాత ఏడాదికి ముగింపు పలికి.. కొత్త ఏడాదిలోకి అడుగు పెట్టబోతున్నాం. ఈ తరుణంలో మన జట్టు ప్రదర్శన ఈ ఏడాది ఎలా సాగింది. ఏంటి..? అనేది ముందుగా తెలుసుకుందాం. 2023 భారత క్రికెట్ జట్టుకు మిశ్రమ ఫలితాలనిచ్చింది. ద్వైపాక్షిక సిరీస్‌ల్లో తిరుగులేని విజయాలు అందుకున్న టీమిండియా.. ఐసీసీ టోర్నీల్లోనూ అదే జోరు కనబరిచింది. కాకపోతే ఆఖరి మెట్టుపై బోల్తాపడి టైటిళ్లను చేజార్చుకుంది.

రెండు సార్లు ఆస్ట్రేలియానే..

జూన్‌లో ఇంగ్లాండ్ వేదికగా జరిగిన వరల్డ్ టెస్ట్ ఛాంపియన్‌షిప్ 2023 ఫైనల్ లో ఆసీస్ చేతిలో ఓటమిపాలైన టీమిండియా.. నవంబర్‌లో భారత్ వేదికగా జరిగిన వన్డే ప్రపంచకప్ ఫైనల్లోనూ ఆసీస్ చేతిలోనే పరాజయం పాలైంది. ఇవి చేజార్చుకున్న రెండు ఐసీసీ టైటిళ్లు.

ఇక 2024 విషయానికొస్తే.. కొత్త ఏడాదిలోనూ తీరికలేని షెడ్యూల్ ఉంది. ఒక సిరీస్ ముగిసేలోపు మరో సిరీస్‌కు సన్నద్ధమవ్వాల్సిందే. అందునా ఏడాది మద్యలో ప్రతిష్టాత్మక టీ20 వరల్డ్ కప్ జరగనుంది.