- పెద్దల పాత్రను బయటపెడ్తున్న ఆఫీసర్లు
- రాష్ట్ర ప్రభుత్వం చేతికివిద్యుత్ కమిషన్ రిపోర్ట్
- కాళేశ్వరం కమిషన్ విచారణ 80 % పూర్తి
- ఫోన్ ట్యాపింగ్ కేసులోనూకీలక పరిణామాలు
- ఫార్మూలా ఈ –రేస్లోస్పీడ్ పెంచిన ఏసీబీ
- ధరణి, భూదందాలపైనాపూర్తయిన విచారణ
హైదరాబాద్, వెలుగు: గత బీఆర్ఎస్ హయాంలో జరిగిన విద్యుత్ కొనుగోలు ఒప్పందాలు, కాళేశ్వరం అవకతవకలు, ఫోన్ట్యాపింగ్, గొర్రెల స్కామ్, ధరణి భూదందా, ఫార్మూలా ఈ రేస్ అక్రమాలపై రాష్ట్ర ప్రభుత్వం చేపట్టిన విచారణలు ఒక్కొక్కటే కొలిక్కి వస్తున్నాయి. ఇప్పటికే విద్యుత్ కొనుగోలు ఒప్పందాలపై జస్టిస్ మదన్ భీంరావు లోకూర్ కమిషన్ రిపోర్ట్ అందజేసింది. ఇక కీలకమైన కాళేశ్వరం ప్రాజెక్టుపై జస్టిస్ ఘోష్ కమిషన్ చేపట్టిన విచారణ కూడా దాదాపు 80 శాతం పూర్తయింది. ఈ నెలాఖరులోగా మరికొందరిని ఓపెన్ కోర్టులో విచారించి, తుది నివేదిక ఇచ్చేందుకు కమిషన్ సిద్ధమవుతున్నది. అటు ఫోన్ ట్యాపింగ్ కేసులో కీలకంగా ఉన్న ఎస్‌ఐబీ మాజీ చీఫ్‌ ప్రభాకర్రావు పాస్పోర్టు రద్దయింది. దీంతో అనివార్యంగా ఆయన స్వదేశానికి రావాల్సిన పరిస్థితి ఏర్పడింది. ప్రభాకర్రావు ఎయిర్పోర్ట్లో దిగినవెంటనే కస్టడీలోకి తీసుకుని విచారించేందుకు పోలీసులు సిద్ధమవుతున్నారు. ఈ కేసులో ప్రభాకర్రావు స్టేట్మెంట్రికార్డు చేయడమే మిగిలి ఉంది. ఇది కూడా ఈ నెలాఖరులో, లేదంటే డిసెంబర్లో పూర్తయ్యే చాన్స్ ఉంది. ఇక ధరణి భూ అక్రమాలపై ఐఏఎస్ అమోయ్ కుమార్పై ఇప్పటికే ఈడీ కేసు నమోదు చేయగా.. ఎంక్వైరీ స్పీడ్ అందుకుంది. మరోవైపు ధరణిని అడ్డుపెట్టుకొని గత బీఆర్ఎస్ హయాంలో సాగిన భూదందాపై ప్రస్తుత ప్రభుత్వం విజిలెన్స్ ఎంక్వైరీ చేయిస్తున్నది.
ఇప్పటికే చాలా వివరాలను సేకరించిన విజిలెన్స్.. వాటి ఆధారంగా బాధ్యులపై కేసులు పెట్టేందుకు సిద్ధమవుతున్నది. ఫార్ములా ఈ– రేస్కు సంబంధించి ఏసీబీ కూడా ఎంక్వైరీని వేగవంతం చేసింది. సర్కారు నుంచి గ్రీన్సిగ్నల్ రాగానే అరెస్టులకు రంగం సిద్ధం చేస్తున్నట్లు సమాచారం. గొర్రెల స్కామ్కు సంబంధించి కూడా ఇప్పటికే పలువురు అధికారులను అరెస్ట్ చేసిన ఏసీబీ.. ఎంక్వైరీలో భాగంగా నాటి ప్రభుత్వంలోని కొందరు ప్రజాప్రతినిధులను ప్రశ్నించనున్నట్టు తెలిసింది.
కీలకం కానున్న నోట్ఫైల్స్
ఇప్పటివరకు ఆయా కేసుల్లో విచారణ ఎదుర్కొన్న అధికారులంతా ఎంక్వైరీలో గత బీఆర్ఎస్ ప్రభుత్వంలోని పెద్దల వైపే వేలెత్తి చూపించారు. అప్పటి సీఎం, మంత్రులు చెప్పినట్లు చేశామే తప్ప అవేవీ తమ సొంత నిర్ణయాలు కావని స్టేట్మెంట్లు ఇచ్చారు. కాళేశ్వరం ప్రాజెక్టుకు సంబంధించిన నిర్ణయాలన్నీ నాటి సీఎం కేసీఆర్, ఇరిగేషన్ మంత్రిగా పనిచేసిన హరీశ్రావు తీసుకున్నారని, తాము కేవలం పాత్రధారులమేనని ప్రాజెక్టు అధికారులు, ఇంజినీర్లు.. జస్టిస్ పీసీ ఘోష్కమిషన్ ముందు స్పష్టంచేశారు. ముందుజాగ్రత్తగా అందరి నుంచి అఫిడవిట్ల రూపంలో వివరాలు తీసుకున్న కమిషన్ వాటి ఆధారంగా ఓపెన్ కోర్డులో విచారించి, కీలక నిర్ణయాల వెనుక సూత్రధారుల వివరాలను అధికారులతో చెప్పించింది. విచారణలో వారి స్టేట్మెంట్లే కీలకం కానున్నాయి. మరో విడత ఐఏఎస్ల ఎంక్వైరీకి కమిషన్ ఏర్పాట్లు చేస్తున్నది.
ఆ తర్వాత గత ప్రభుత్వ పెద్దలకు నోటీసులు ఇచ్చి.. క్రాస్ ఎగ్జామినేషన్ చేసే అవకాశం ఉన్నట్టు తెలిసింది. ఆ వెంటనే రిపోర్ట్ను ప్రభుత్వానికి అందజేసే అవకాశముంది. ఇందుకు మరో నెల పట్టవచ్చని సమాచారం. ఇక, నాటి సీఎం కేసీఆర్తో పాటు నాటి మంత్రి జగదీశ్రెడ్డి ఆదేశాలతోనే విద్యుత్ కొనుగోలు ఒప్పందాలు జరిగినట్లు లోకూర్ కమిషన్ తన ఎంక్వైరీలో తేల్చినట్లు తెలిసింది. అటు కాళేశ్వరంలోనూ, ఇటు విద్యుత్ ఒప్పందాల్లోనూ ఆఫీసర్లను పావులుగా వాడుకుని.. అవినీతి, అక్రమాలకు పాల్పడినట్లు తాజా ఎంక్వైరీలను బట్టి స్పష్టమవుతున్నది. కమిషన్లు, విజిలెన్స్ ఇచ్చే నివేదికలోని ఆధారాలతోపాటు గత ప్రభుత్వం టైంలో అధికారులు ఎవరి ఆదేశాల మేరకు నిర్ణయాలు తీసుకున్నారనే నోట్ఫైల్స్ కీలకం కానున్నాయి. వీటిని బట్టే బాధ్యులపై చర్యలకు ప్రభుత్వం సిద్ధమవుతున్నది.
విద్యుత్ కమిషన్ రిపోర్ట్ ఆధారంగా మొదటి చర్యలు
గత బీఆర్ఎస్ ప్రభుత్వం చత్తీస్గఢ్తో చేసుకున్న విద్యు త్ఒప్పందంపై తీవ్ర ఆరోపణలు వచ్చాయి. అప్పుడున్న పరిస్థితుల్లో కాంపిటీటివ్ బిడ్డింగ్ పెడితే రూ.4కు యూనిట్వచ్చే అవకాశమున్నా.. రూ.5.50 నుంచి రూ.6 దాకా పెట్టి కొనడంతో తెలంగాణపై వేలకోట్ల భారం పడింది. సదరన్ డిస్కంతో వెయ్యి మెగావాట్లకు ఒప్పందం చేసుకున్నా 50 శాతం కూడా సరఫరా కాకపోవడం, ఇతర విద్యుత్ సంస్థల నుంచి అధిక ధర కు కొనడం వల్ల రూ.2,600 కోట్ల నష్టం జరిగినట్లు అంచనా. ఇక కాలం చెల్లిన సబ్ క్రిటికల్ టెక్నాలజీతో భద్రాద్రి ప్లాంట్ నిర్మించడం వల్ల భారీగా నష్టం జరిగిందనే వాదనలున్నాయి. ఇక పిట్ హెడ్(బొగ్గుగనుల ఏరియా)కు దూరంగా యాదాద్రి ప్లాంట్ నిర్మించడం వల్ల రవాణా నష్టం పెరిగి, యూనిట్కాస్ట్ రూ.6 నుంచి రూ.6.60 దాటనుంది. అదీగాక తొమ్మిదేండ్లయినా ఈ ప్లాంట్ పూర్తికాకపోవడంతో అప్పులు, వడ్డీల భారం తడిసిమోపడైంది. విద్యుత్ ఒప్పందాలతోపాటు భద్రాద్రి, యాదాద్రి థర్మల్ ప్లాంట్ల నిర్ణయాల్లో నాటి సీఎం కేసీఆర్, నాటి మంత్రి మంత్రి జగదీశ్రెడ్డితోపాటు ట్రాన్స్కో జెన్కో మాజీ సీఎండీ ప్రభాకర్ రావులే కీలకంగా వ్యవహరించినట్లు జస్టిస్ లోకూర్ కమిషన్ఎంక్వైరీలో తేలినట్లు సమాచారం. గతంలో జస్టిస్ నరసింహారెడ్డి కమిషన్ విచారించిన 36 మంది స్టేట్మెం ట్లతోపాటు అప్పటి విద్యుత్ శాఖ కార్యదర్శుల నోట్ఫైల్స్ను కూడా కమిషన్ తన రిపోర్టులో పేర్కొన్నట్లు తెలిసింది. విద్యుత్ కమిషన్ రిపోర్ట్ ఆధారంగానే నాటి ప్రభుత్వ పెద్దలపై మొదట చర్యలు తీసుకునే అవకాశముందని అధికారవర్గాల్లో చర్చ జరుగుతున్నది.
గొర్రెల స్కామ్, ఫార్ములా ఈ-రేస్పై దూకుడు
గొర్రెల కొనుగోలు స్కామ్లో ఏసీబీ ఇప్పటికే కొందరు అధికారులను అరెస్ట్ చేసింది. రూ.2.5 కోట్ల అక్రమాలు జరిగాయన్న ఆధారాలతో ఏసీబీ రంగంలోకి దిగగా.. ఈ వ్యవహారం వెనక రూ.700 కోట్ల మేర కుంభకోణం జరిగినట్లు ప్రాథమికంగా నిర్ధారించింది. అధికారుల స్టేట్మెంట్ల ఆధారంగా గతంలో ఆ శాఖను చూసిన మంత్రికి కూడా నోటీసులు ఇచ్చే అంశాన్ని తాజాగా పరిశీలిస్తున్నట్లు తెలిసింది. ఈ–ఫార్ములా కార్ల రేస్కోసం అప్పటి మున్సిపల్ శాఖ ప్రిన్సిపల్ సెక్రటరీ అర్వింద్ కుమార్ నిబంధనలకు విరుద్ధంగా రూ.55 కోట్లను విదేశీ సంస్థకు చెల్లించినట్లు ఏసీబీ తేల్చింది. కనీసం జీవో కూడా లేకుండా నాటి మున్సిపల్ శాఖ మంత్రి కేటీఆర్ మౌఖిక ఆదేశాల మేరకు నిధులు విడుదల చేసినట్లు అర్వింద్ కుమార్ చెప్పడంతో త్వరలోనే కేటీఆర్‌కు కూడా నోటీసులు ఇస్తారనే చర్చ జరుగుతున్నది.
భూదందాలపై ఆధారాలు
గత బీఆర్ఎస్ హయాంలో ధరణిని అడ్డుపెట్టు కొని నేతలు చేసిన భూదందాలపై ఇప్పటికే ప్రభుత్వం వివరాలు సేకరించింది. ఈ క్రమంలో ఐఏఎస్ అమోయ్ కుమార్ను ఈడీ విచారిస్తున్న ది. ప్రధానంగా రంగారెడ్డి, మేడ్చల్ మల్కాజ్గిరి జిల్లాల్లో జరిగిన భూదందాలపై రాష్ట్ర ప్రభుత్వం విజిలెన్స్ ఎంక్వైరీ చేయిస్తున్నది. అదే సమయం లో 58,59 జీవోల కింద కొందరు విలువైన ప్రభు త్వ భూములను అక్రమంగా కొట్టేసినట్లు ప్రభు త్వానికి ఆధారాలు అందాయి. వీటిలో కొన్ని భూములకు ఇచ్చిన పట్టాలను ఇప్పటికే క్యాన్సిల్ చేయగా.. మరికొన్నింటిపై ఎంక్వైరీ చేయిస్తున్న ది. వీటిని కూడా నెల రోజుల్లోపు పూర్తి చేసి.. బాధ్యులపై చర్యలు తీసుకోవాలనుకుంటున్నది.
