ఎల్బీనగర్, వెలుగు: వైశ్యులందరూ కలిసికట్టుగా ఉంటేనే రాజకీయంగా రాణించగలమని మాజీ ఎంపీ టీజీ వెంకటేశ్అన్నారు. తెలంగాణ రాష్ట్ర ఆర్యవైశ్య మహాసభ మహిళా విభాగ్ ఆధ్వర్యంలో శుక్రవారం నాగోల్ లోని ఓ కన్వెన్షన్ లో మహిళా మహోత్సవం నిర్వహించారు. ఆయన మాట్లాడుతూ.. మహిళలు అన్ని రంగాల్లో రాణించాలని సూచించారు.
మహిళల ఫ్యాషన్ షో ఆకట్టకుంది. ఎల్బీనగర్ ఎమ్మెల్యే సుధీర్ రెడ్డి, ఇబ్రహీంపట్నం ఎమ్మెల్యే మల్రెడ్డి రంగారెడ్డి, మహాసభ అధ్యక్షుడు అమరవాడి లక్ష్మీనారాయణ, మహిళా విభాగం రాష్ట్ర అధ్యక్షురాలు ఉప్పల శారద, జనరల్ సెక్రటరీ కాచం సుష్మ, కాచం ఫౌండేషన్ అధినేత సత్యనారాయణ గుప్త, స్టేట్ ఉమెన్స్ కో-–ఆపరేటివ్ డెవలప్ మెంట్ కార్పొరేషన్ చైర్పర్సన్ బండ్రు శోభారాణి, గాయని కౌసల్య తదితరులు పాల్గొన్నారు.
