హైదరాబాద్,వెలుగు: రాష్ట్రంలో ఫుడ్ సేఫ్టీ ఆఫీసర్ పోస్టుల భర్తీకి రెండేండ్ల క్రితం నిర్వహించిన పరీక్ష తుది ఫలితాలను టీజీపీఎస్సీ రిలీజ్ చేసింది. మొత్తం ఏడు జోన్లలోని 24 పోస్టులకు గానూ.. 24 మంది అభ్యర్థులను ప్రకటించింది. ఈ మేరకు మంగళవారం టీజీపీఎస్సీ సెక్రటరీ నవీన్ నికోలస్ ఫలితాలను రిలీజ్ చేశారు. ఫుడ్ సేఫ్టీ పోస్టుల భర్తీకి 2022 జులై 21న టీజీపీఎస్సీ నోటిఫికేషన్ ఇవ్వగా, దానికి 16,381 మంది అప్లై చేశారు.
పరీక్షను 2022 నవంబర్7న నిర్వహించగా, ఈ నెల 7,8 తేదీల్లో సర్టిఫికెట్ల వెరిఫికేషన్ ప్రక్రియను పూర్తి చేశారు. ఈ క్రమంలో మంగళవారం ప్రొవిజినల్ సెలెక్టెడ్ లిస్టును కమిషన్ అధికారులు రిలీజ్ చేశారు. కాళేశ్వరం జోన్–1లో ముగ్గురు, బాసర జోన్– 2లో ముగ్గురు, రాజన్న జోన్– 3లో ముగ్గురు, భద్రాద్రి జోన్–4లో ఐదుగురు, యాదాద్రి జోన్–5లో ముగ్గురు, చార్మినార్ జోన్– 6లో ముగ్గురు, జోగులాంబ జోన్– 7లో నలుగురిని ఎంపిక చేసినట్టు తెలిపారు.
