హైదరాబాద్: గ్రూప్-2 అభ్యర్థులకు తెలంగాణ పబ్లిక్ సర్వీస్ కమిషన్ (టీజీపీఎస్సీ) బిగ్ అప్డేట్ ఇచ్చింది. గురువారం (2024, నవంబర్ 21) గ్రూప్-2 పరీక్షల షెడ్యూల్ను విడుదల చేసింది టీజీపీఎస్సీ. 2024, డిసెంబర్ 15, 16 తేదీల్లో గ్రూప్-2 పరీక్షలు నిర్వహిస్తామని తెలిపింది. గ్రూప్-2 ఎగ్జామ్ హాల్ టికెట్లను డిసెంబర్ 9వ తేదీ నుండి అందుబాటులో ఉంచుతామని వెల్లడించింది. టీజీపీఎస్సీ అధికారిక వెబ్ సైట్ నుండి హాల్ టికెట్లు డౌన్ లోడ్ చేసుకోవచ్చని అభ్యర్థులకు సూచించింది.
హాల్ టికెట్ డౌన్ లోడ్ సమయంలో ఏదైనా సమస్యలు తలెత్తితే సంబంధింత అధికారులను సంప్రదించాలని పేర్కొంది. డిసెంబర్ 15, 16వ తేదీల్లో రోజు రెండు సెషన్లలో పరీక్షలు నిర్వహిస్తామని టీజీపీఎస్సీ స్పష్టం చేసింది. కాగా, 783 గ్రూప్-2 పోస్టుల భర్తీకి ప్రభుత్వం నోటీఫికేషన్ విడుదల చేసిన విషయం తెలిసిందే. గ్రూప్-2 పరీక్షకు మొత్తం 5.57 లక్షల మంది అభ్యర్థులు అప్లై చేసుకున్నారు.
2024 ఆగస్ట్ నెలలోనే గ్రూప్-2 పరీక్షలు జరగాల్సి ఉండగా.. అదే సమయంలో డీఎస్సీ ఎగ్జామ్స్ ఉండటంతో ప్రిపేర్ అయ్యేందుకు తగిన సమయం లేదని.. గ్రూప్-2 పరీక్షను వాయిదా వేయాలని అభ్యర్థుల ప్రభుత్వానికి విజ్ఞప్తి చేశారు. అభ్యర్థుల విజ్ఞప్తికి సానూకూలంగా స్పందించిన ప్రభుత్వం డీఎస్సీ పరీక్షలను యధావిధిగా నిర్వహించి.. గ్రూప్-2 పరీక్షలను పోస్ట్పోన్ చేసింది. డీఎస్సీ, గ్రూప్-3 పరీక్షలు పూర్తి కావడంతో గ్రూప్-2 పరీక్ష నిర్వహణకు ప్రభుత్వం సిద్ధమైంది. ఈ నేపథ్యంలోనే తాజాగా గ్రూప్-2 పరీక్షలను షెడ్యూల్ టీజీపీఎస్సీ విడుదల చేసింది.
