తెలంగాణ పబ్లిక్ సర్వీస్ కమిషన్(TGPSC) గ్రూప్స్ పరీక్షల రిక్రూట్మెంట్ వేగం పెంచింది. ఇటీవల నిర్వహించిన గ్రూప్-3 'కీ' తాజాగా విడుదల చేసింది. మరో రెండ్రోజుల్లో గ్రూప్-2 'కీ' విడుదల చేసేందుకు టీజీపీఎస్సీ ఏర్పాట్లు చేస్తున్నట్లు టీజీపీఎస్సీ చైర్మన్ బుర్రా వెంకటేశం ప్రకటించారు.
గతంలో జరిగిన తప్పిదాలు కమిషన్‌లో ఇకపై జరగవు అని మీడియాతో చిట్ చాట్ సందర్భంగా టీజీపీఎస్సీ చైర్మన్ తెలిపారు. ఈ క్రమంలో షెడ్యూల్‌ ప్రకారం ఫలితాలు వచ్చేలా పనిచేస్తున్నామని, అభ్యర్థులెవరూ ఆందోళన చెందవద్దని ఆయన భరోసా ఇచ్చారు.
గ్రూప్ 3 ‘కీ’ టీజీపీఎస్సీ అధికారిక వెబ్‌సైట్‌ https://www.tspsc.gov.in/ లో చూడగలరు.
అంతకుముందు మీడియా సమావేశంలో మాట్లాడిన చైర్మన్ ప్రభుత్వ ఉద్యోగ నోటిఫికేషన్లపై కీలక వ్యాఖ్యలు చేశారు. టీజీపీఎస్సీ ద్వారా భర్తీ చేసే ఉద్యోగాల నోటిఫికేషన్లు 2025 ఏప్రిల్ తర్వాతనే జారీ చేస్తామని స్పష్టం చేశారు. 2025, మార్చి 31లోపు పెండింగ్లో ఉన్న నోటిఫికేషన్ల ఫలితాలు ఇచ్చేస్తామని తెలిపారు. ఏ పరీక్ష ఫలితాలు కంప్లీట్ అయితే అవి వెంటనే ఇచ్చేస్తామన్నారు. గతంలో మాదిరిగా రిజల్ట్ విడుదలలో జాప్యం చేయకుండా త్వరగా ఫలితాలు ఇవ్వాలనే ఉద్దేశంతో ఉన్నామని పేర్కొన్నారు. వచ్చే వారం పదిరోజుల తేడాతో గ్రూప్ -1, 2, 3 ఫలితాలు విడుదల చేస్తామని ప్రకటించారు.
ALSO READ | ఏప్రిల్ తర్వాత కొత్త నోటిఫికేషన్లు.. అతి త్వరలో గ్రూప్ -1, 2, 3 ఫలితాలు: బుర్రా వెంకటేశం
