నిజామాబాద్ లో వర్షం దంచి కొట్టింది. పలు ప్రాంతాలు వరద నీటిలో మునిగిపోయాయి. రైల్వే కమాన్ దగ్గర భారీగా వరద నీరు ప్రవహిస్తోంది. అటుగా వస్తున్న ఆర్టీసీ బస్సు వరదనీటిలో చిక్కుకుంది. బస్సులోని ప్రయాణికులు బిక్కు బిక్కుమంటున్నారు. ఈ సమయంలో ఆర్టీసీ బస్సును ఆపేసిన డ్రైవర్ పోలీసులకు సమాచారం అందించాడు. పోలీసులు బస్సులోని ప్కయాణికులను రక్షించారు. కుండపోత వానతో రహదారులు చెరువులను తలపిస్తున్నాయి. నిజామాబాద్ లో 7 సెంటీమీటర్లు వర్షపాతం నమోదు అయిందని సమాచారం అందుతోంది.
