- యాదగిరిగుట్ట, స్వర్ణగిరికి ఇకపై రోజూ ప్రత్యేక సర్వీసులు
హైదరాబాద్, వెలుగు: మహాశివరాత్రి పర్వదినాన్ని పురస్కరించుకొని రాష్ట్రంలోని ప్రముఖ ఆలయాలకు పర్యాటక శాఖ ప్రత్యేక బస్సులు నడపనుంది. ఈనెల 26 నుంచి 27వ తేదీ వరకు స్పెషల్ బస్సు సర్వీసులు కొనసాగుతాయి. హైదరాబాద్ నుంచి వేములవాడ, కొండగట్టు, కాళేశ్వరం, కీసర, కొమురవెల్లికి స్పెషల్ సర్వీసులు నడపనున్నారు. అలాగే.. యాదగిరి గుట్ట, స్వర్ణగిరికి రోజూ ప్రత్యేక బస్సులు నడపాలని టూరిజం శాఖ నిర్ణయించింది.
ఈ సర్వీసును వచ్చే వారం నుంచి ప్రారంభిస్తామని అధికారులు తెలిపారు. దీనికి టికెట్ల ధరను పెద్దలకు రూ.1,500, పిల్లలకు రూ.1200గా నిర్ణయించారు. తమిళనాడులోని ప్రసిద్ధ శైవక్షేత్రం అరుణాచలానికీ ప్రత్యేక టూర్ ప్యాకేజీని పర్యాటక శాఖ ప్రకటించింది. ఈ టూర్ ప్యాకేజీ మొత్తం 4 రోజులు సాగుతుంది. ఈ యాత్రలో అరుణాచలేశ్వర ఆలయంతో పాటు వేలూరు గోల్డెన్ టెంపుల్, కాణిపాకం సందర్శన చేయిస్తారు. నెలలో ఒక్కసారే ఈ ప్యాకేజీ ఉంటుంది. మార్చి 11 నుంచి ఈ సర్వీసు ప్రారంభం అవుతుంది.
