తమిళ స్టార్ హీరో విజయ్(Vijay) ప్రస్తుతం దర్శకుడు వెంకట్ ప్రభు(Venkat Prabhu)తో The G.O.A.T(Greatest Of All Time) అనే సినిమా చేస్తున్న విషయం తెలిసందే. పాన్ ఇండియా లెవల్లో వస్తున్న ఈ సినిమాలో లేటెస్ట్ బ్యూటీ మీనాక్షి చౌదరి హీరోయిన్ గా నటిస్తున్నారు.
టైం ట్రావెల్,స్సైన్స్ ఫిక్షన్ కాన్సెప్ట్ తో వస్తున్న ఈ సినిమా సెప్టెంబర్ 5న వినాయక చవితి కానుకగా విడుదలకానుంది. మరో 13 రోజుల్లో సినిమా ప్రేక్షకుల ముందుకు రానుండటంతో..మేకర్స్ ప్రమోషన్ కార్యక్రమాలను ముమ్మరం చేశారు.
ఈ నేపథ్యంలో తాజాగా మేకర్స్ ట్రైలర్ రిలీజ్ చేశారు.ఈ ట్రైలర్ తలపతి ఆడియన్స్ ను అద్భుతంగా ఆకట్టుకునేలా ఉంది. విజయ్ స్టైల్, మేనరిజమ్స్ అదిరిపోయేలా ఉన్నాయి. ఒక్కమాటలో చెప్పాలంటే ట్రైలర్ లోనే విజయ్ విశ్వరూపం చూపించాడు. ఇప్పటికే ఈ సినిమా నుంచి విడుదలైన మూడు పాటలకు మంచి రెస్పాన్స్ వచ్చింది. ఈ విజువల్స్లో విజయ్, మీనాక్షి జంట ఆన్‌ స్క్రీన్‌ కెమిస్ట్రీ, డ్యాన్స్‌ మూమెంట్స్‌ ఆకట్టుకున్నాయి.
ఇక విజయ్ గత చిత్రం లియో బాక్సాఫీస్ దగ్గర భారీ విజయం సాధించిన విషయం తెలిసిందే. లోకేష్ కనగరాజ్ తెరకెక్కించిన ఈ సినిమా ఏకంగా రూ. 600 కోట్లకు పైగా వసూళ్లు రాబట్టింది. దీంతో ఇప్పుడు వస్తున్న G.O.A.T మూవీ అంతకుమించి ఉండేలా ప్లాన్ చేస్తున్నారు మేకర్స్.
ప్రస్తుతం ఉన్న సమాచారం మేరకు ఈ సినిమా బాక్సాఫీస్ దగ్గర వెయ్యి కోట్లకు పైగా వసూళ్లు రాబడుతుందని అంచనా. మరి భారీ అంచనాల మధ్య వస్తున్న ఈ సినిమా ఏ రేంజ్ విజయాన్ని సాదిస్తుందా అనేది తెలియాలంటే మరికొన్ని రోజులు ఆగాల్సిందే.
ఎజిఎస్ ఎంటర్‌‌టైన్‌‌మెంట్ సంస్థ నిర్మిస్తున్న ఈ చిత్రాన్ని మైత్రీ మూవీ మేకర్స్ సంస్థ తెలుగులో విడుదల చేస్తోంది. ప్రశాంత్, ప్రభుదేవా, మోహన్, జయరామ్, స్నేహ, లైలా, అజ్మల్ అమీర్, యోగి బాబు ఇతర ముఖ్యపాత్రలు పోషిస్తున్నారు.
