టాలీవుడ్ ప్రముఖ మ్యూజిక్ డైరెక్టర్ తమన్ తన పాతలతోనే కాదు.. చేతలతో కూడా మంచి మనసు చాటుతున్నాడు. ఈ క్రమంలో అవసరంలో ఉన్నవాళ్ళు సాయం అంటూ తనదగ్గరికి వస్తే తోచినంత సహాయం చేస్తున్నాడు. అయితే ఓ వ్యక్తి కిడ్నీ ట్రాన్స్ప్లాంట్ కి ఆర్థికసహాయం అవసరం కాగా తమన్ ముందుకొచ్చి ఆపన్నహస్తం అందించాడు. ఈ విషయంపై ప్రముఖ సర్జన్ డాక్టర్ లీలా కృష్ణ సోషల్ మీడియా వేదికగా స్పందించారు.
ఇందులో భాగంగా థాంక్ యూ మై డియర్ బ్రదర్. ఈరోజు నువ్వు చేసిన సహాయంవల్ల కిడ్నీ ట్రాన్స్ప్లాంట్ సర్జరీ సక్సెస్ ఫుల్ గా చేశాము, నువ్వు చేసిన ఈ సహాయం ఎప్పటికీ గుర్తుంటుంది. నీ మంచి మనసుకి అభినందనలు అని ఇన్స్స్టా గ్రామ్ లో స్టోరీ షేర్ చేశారు. దీంతో ఈ విషయం తెలుసుకున్న అభిమానులు తమన్ ని అభినందిస్తున్నారు.
ALSO READ | Kanguva first day collections: కంగువ ఫస్ట్ డే కలెక్షన్లు.. ఎంతంటే.?
ఈ విషయం ఇలా ఉండగా తమన్ ప్రస్తుతం వరుస సినిమాలకి మ్యూజిక్ డైరెక్టర్ గా ఆఫర్లు దక్కించుకుంటున్నాడు. ఈరోజు తమన్ మ్యూజిక్ అందించిన డాకూ మహారాజు సినిమా టీజర్ రలీజ్ అయ్యింది. ఈ సినిమాలో నందమూరి బాలకృష్ణ హీరోగా నటిస్తున్నాడు. టాలీవుడ్ ప్రముఖ డైరెక్టర్ సుకుమార్ డైరెక్ట్ చేస్తున్న పుష్ప 2 సినిమాకి కూడా బిజియం స్కోర్ అందిస్తున్నాడు. అలాగే పవర్ స్టార్ పవన్ కళ్యాణ్ హీరోగా నటిస్తున్న ఓజి సినిమాకి మ్యూజిక్ అందిస్తున్నాడు.
