- పేకాటలో హైటెక్ మోసం
- గేమ్ కార్డులకు ఎలక్ట్రానిక్ డివైజ్లు పెట్టి బెట్టింగ్లో ఫ్రాడ్
- ప్రధాన నిందితుడితో పాటు ఐదుగురి అరెస్ట్
జీడిమెట్ల, వెలుగు : ఫ్లాట్లో పేకాట బెట్టింగ్లు నిర్వహించడంతో పాటు ఎలక్ట్రానిక్ డివైజ్లతో మోసం చేస్తున్న ప్రధాన నిందితుడితో పాటు ఐదుగురిని బాలానగర్ ఎస్ వోటీ, బాచుపల్లి పోలీసులు అరెస్ట్ చేశారు. బాలానగర్ డీసీపీ శ్రీనివాస్రావు బుధవారం వివరాలు వెల్లడించారు. ఒంగోలుకు చెందిన మలిపేడి అవినాశ్కుమార్(35) బాచుపల్లి మయూరా ఫార్చూన్ గ్రీన్హౌస్లో ప్లాట్ నంబర్ 201లో ఉంటున్నాడు. ఫైనాన్స్ బిజినెస్ చేస్తున్న అవినాశ్ కుమార్ తన ఫ్లాట్లో పేకాట క్లబ్ ఏర్పాటు చేశాడు. ట్రాన్స్ మీటర్, స్కానింగ్ డివైజ్, మైక్రోఫోన్లతో ప్రత్యేకంగా తయారు చేసిన కార్డులను పేకాడేందుకు వచ్చిన వారికి ఇచ్చేవాడు.
తర్వాత పేకాటపై బెట్టింగ్ నిర్వహించేవాడు. ఎలక్ట్రానిక్ డివైజెస్ సాయంతో బెట్టింగ్లో ఎవరు గెలుస్తారు.. ఎంత బెట్టింగ్ వేయాలో ప్లాన్ చేసి మోసం చేసేవాడు. పేకాట క్లబ్ గురించి సమాచారం అందుకున్న బాలానగర్ఎస్వోటీ, బాచుపల్లి పోలీసులు బుధవారం సాయంత్రం అవినాశ్కుమార్ ఫ్లాట్పై దాడులు చేశారు. అవినాశ్తో పాటు పేకాడుతున్న నిజాంపేటకు చెందిన దండు రాజేశ్ (39), బహదూర్పల్లికి చెందిన గప్ప నరేష్కుమార్(48), ఈస్ట్గోదావరికి చెందిన సోడి శెట్టి రాఘవ(32), నెల్లూరుకి చెందిన తన్నీరు కోటేశ్వరావు(40), వెస్ట్గోదావరికి చెందిన బాదారు గంగరాజు(44)ను అరెస్ట్ చేశారు. 3 మైక్రోఫోన్లు, ట్రాన్స్ మీటర్ డివైజ్,7 సెల్ఫోన్లు, 12 సెట్ల స్పెషల్ స్కానింగ్ ప్లేకార్డ్స్, రూ. 29 లక్షలకుపైగా క్యాష్ను స్వాధీనం చేసుకున్నారు. నిందితులను రిమాండ్కు తరలించినట్లు డీసీపీ శ్రీనివాసరావు తెలిపారు.
