- పరిగి ఎమ్మెల్యే టి.రామ్మోహన్ రెడ్డి
పరిగి, వెలుగు: సీఎం రేవంత్ రెడ్డి నియోజకవర్గంలో కలెక్టర్ పై జరిగిన దాడి ముమ్మాటికీ ప్రతిపక్షం చేసిన కుట్రేనని వికారాబాద్ కాంగ్రెస్ జిల్లా అధ్యక్షుడు, పరిగి ఎమ్మెల్యే టి రామ్మోహన్ రెడ్డి ఆరోపించారు. మంగళవారం ఆయన మీడియాతో మాట్లాడుతూ.. బీఆర్ఎస్ యూత్ లీడర్సురేశ్తప్పుదోవ పట్టించి దాడి చేయించేందుకు కారణమయ్యాడన్నారు.
ఇండస్ట్రియల్ కారిడార్ ఏర్పాటులో భాగంగా ప్రజాభిప్రాయ సేకరణకు లగచర్లకు వెళ్లగా, ఈ సంఘటన జరిగిందన్నారు. ప్రభుత్వం అన్ని కోణాల్లో విచారణ ప్రారంభించిందని, బాధ్యులపై కఠినంగా చర్యలు తీసుకుంటుందని తెలిపారు. కాంగ్రెస్ కార్యకర్తలు అప్రమత్తంగా ఉండి ప్రభుత్వంపై చేస్తున్న దుష్ప్రచారాన్ని సమర్థవంతంగా తిప్పికొట్టాలన్నారు.
