రంగారెడ్డి జిల్లాలో ఘోర రోడ్డు ప్రమాదం చోటు చేసుకుంది. ఆదివారం రాత్రి షాద్ నగర్లోని ఎలికట్ట చౌరస్తా వద్ద ఆగి ఉన్న లారీని బైక్ ఢీకొట్టింది. తీవ్ర గాయాలు కావడంతో బైక్పై ఉన్న ఇద్దరూ అక్కడికక్కడే మృతి చెందారు. స్థానికుల ద్వారా సమాచారం అందుకున్న పోలీసులు ఘటన స్థలానికి చేరుకుని వివరాలు సేకరించారు. మృతులను పులుసు మామిడి గ్రామానికి చెందిన శేఖర్, రేగడి చిలకమర్రి చెందిన కరుణాకర్గా గుర్తించారు. ఈ మేరకు మృతుల కుటుంబ సభ్యులకు సమాచారం అందించారు. ప్రమాదానికి గల కారణాలపై పోలీసులు ఆరా తీస్తున్నారు. కాగా, ఈ ఘటనకు సంబంధించిన పూర్తి వివరాలు తెలియాల్సి ఉంది.
