వికారాబాద్ జిల్లా పెద్దేముల్‌‌లో మహిళ దారుణ హత్య..

వికారాబాద్ జిల్లా పెద్దేముల్‌‌లో మహిళ దారుణ హత్య..

వికారాబాద్, వెలుగు: వికారాబాద్ జిల్లా పెద్దేముల్లో ఓ మహిళను దారుణంగా హత్యచేశారు. గ్రామ శివారులోని కోట్​పల్లి ప్రాజెక్టు కెనాల్‌‌‌‌వద్ద గుర్తు తెలియని ఓ మహిళ (35) మృతదేహం ఉందని బుధవారం పోలీసులకు సమాచారం అందింది. పోలీసులు ఘటనా స్థలానికి చేరుకొని పరిశీలించారు. మహిళను గుర్తుపట్టకుండా ముఖంపై పెట్రోల్ పోసి నిప్పంటించినట్లు గుర్తించారు. ఘటనా స్థలంలో మద్యం బాటిళ్లు,​ సగానికి కోసిన వాటర్ బాటిల్ దొరికాయి.

ప్రాజెక్ట్ కెనాల్ గట్టుపై నుంచి కెనాల్‌‌లోకి డెడ్‌‌‌‌బాడీని ఈడ్చుకెళ్లిన ఆనవాళ్లు కనిపించాయి. మృతురాలి ఎడమ చేతిపై యశోద అని పచ్చబొట్టు ఉంది. పెద్దేముల్ పంచాయతీ కార్యదర్శి లాలప్ప ఫిర్యాదు మేరకు కేసు నమోదు చేసిన దర్యాప్తు చేస్తున్నట్లు డీఎస్పీ బాలకృష్ణారెడ్డి, సీఐ నాగేశ్ తెలిపారు. మహిళను అత్యాచారం చేసి చంపేశారా.. లేదా అన్న విషయం పోస్టుమార్టం రిపోర్ట్​వచ్చాక తెలుస్తుందని వెల్లడించారు.