- అక్కడికక్కడే మృతి
- భద్రాద్రి జిల్లా ఇల్లెందు మండలం భావోజితండాలో విషాదం
ఇల్లెందు(టేకులపల్లి), వెలుగు : భద్రాద్రి కొత్తగూడెం జిల్లా కోయగూడెం గ్రామ పంచాయతీలో కారు రివర్స్చేస్తుండగా వెనక ఆడుకుంటున్న మూడేండ్ల బాలుడు దాని కింద పడి చనిపోయాడు. టేకులపల్లి ఎస్సై గన్ రెడ్డి రమణారెడ్డి కథనం ప్రకారం... ఇల్లెందు మండలంలోని భావోజితండాలో అజ్మీర విక్రమ్, మాధవి దంపతుల కొడుకు సిద్ధార్థ్(3) సోమవారం ఇంటి ఆవరణలో ఆడుకుంటున్నాడు. అక్కడే ఓ కారు పార్క్ చేసి ఉంది.
అప్పుడే వచ్చిన డ్రైవర్వెనక ఎవరున్నారో గమనించకుండా కారును రివర్స్తీశాడు. దీంతో కారు బాలుడిపై నుంచి వెళ్లడంతో తీవ్రంగా గాయపడి అక్కడికక్కడే మృతి చెందాడు. మృతుడి కుటుంబసభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు తెలిపారు.
