- ‘కుంభం’ షాక్తో బీఆర్ఎస్ అలర్ట్
- ఉమ్మడి నల్గొండ జిల్లా బాధ్యతలు హరీశ్, కేటీఆర్కు అప్పగింత
- త్వరలో జిల్లాలో మంత్రుల సుడిగాలి పర్యటనలు
నల్గొండ, వెలుగు : కాంగ్రెస్ సీనియర్ నేత కుంభం అనిల్కుమార్రెడ్డి ఇచ్చిన షాక్తో బీఆర్ఎస్ హైకమాండ్ అలర్ట్ అయింది. సీఎం కేసీఆర్ పథకం ప్రకారం అనిల్కుమార్రెడ్డిని పార్టీలో చేర్చుకోగా.. దానికి కౌంటర్గా కాంగ్రెస్ పెద్దలు అనిల్ను తిరిగి పార్టీలోకి ఆహ్వానించడం బీఆర్ఎస్ ముఖ్యనేతలను షాక్కు గురిచేసింది. ఉమ్మడి నల్గొండ జిల్లాలోని 12 స్థానా లను చాలెంజ్గా తీసుకున్న బీఆర్ఎస్, కాంగ్రెస్ నాయకత్వాలు పోటాపోటీగా ఆపరేషన్ఆకర్ష్ కార్యక్రమాలకు తెరలేపాయి. ఇందులో భాగంగా భువనగిరి ఎంపీ సెగ్మెంట్పై ఫోకస్ పెట్టిన కేసీఆర్ అనిల్కుమార్రెడ్డిని పార్టీలోకి తీసుకోవడంలో సక్సెస్ అయ్యారు. కానీ ఇది జరిగిన రెండు నెలల వ్యవధిలోనే మళ్లీ ఆయనసొంత గూటికి చేరడం పార్టీ హైకమాండ్ను డైలమాలో పడేసింది. దీంతో పరిస్థితిని చక్కదిద్దేందుకు ఆ పార్టీ వర్కింగ్ ప్రెసిడెంట్ కేటీఆర్ను, మంత్రి హరీశ్ రావును రంగంలోకి దించింది.
బీఆర్ఎస్కు ఊహించని షాక్
వచ్చే ఎన్నికల్లో నల్గొండ జిల్లాను కేసీఆర్ కంచుకోటగా మారుస్తామని జిల్లా మంత్రి జగదీశ్ రెడ్డి సవాల్ చేయగా, కాంగ్రెస్ కుపూర్వవైభవం తెస్తామని ఆ పార్టీ సీనియర్లు చాలెంజ్ చేశారు. అయితే, కాంగ్రెస్లో నెలకొన్న విభేదాలు, పీసీసీ చీఫ్ రేవంత్ రెడ్డితో ఉన్న భేదాభిప్రాయాలను అడ్డంపెట్టుకుని బీఆర్ఎస్ పథకం ప్రకారం ఆ పార్టీ అసమ్మతి నేతల పైన దృష్టి పెట్టింది. ఇందులో భాగంగానే యాదాద్రి జిల్లా కాంగ్రెస్ పార్టీ అధ్యక్షుడు అనిల్కుమార్రెడ్డిని పార్టీలోకి తీసుకోవడంతో ఆ జిల్లాలో ఇక తమకు ఎదురులేదని భావించింది. కానీ, బీఆర్ఎస్ క్యాండిడేట్లను ప్రకటించాక సిట్టింగ్ ఎమ్మెల్యేల వైఖరిపైన ప్రజల్లో, పార్టీలో తీవ్ర వ్యతిరేకత వ్యక్తమైంది. పైగా అనిల్కుమార్రెడ్డిని పార్టీలోకి తీసుకున్న అధిష్టానం ఆయనకు తగిన ప్రాధాన్యం ఇవ్వలేదు. దీంతో తీవ్ర మనస్తాపానికి గురైన అనిల్ మళ్లీ సొంతగూటికి వచ్చారు. నిజానికి అనిల్ పార్టీలో ఉండడనే సంగతి చాలా రోజుల నుంచే ప్రచారం జరుగుతోంది. ఒకవేళ అలాంటి మార్పు జరిగితే రాజకీయంగా అనిల్కే నష్టం అన్నట్టుగా బీఆర్ఎస్ ప్రచారం చేసింది. కానీ, అధిష్టానం ఆదేశాలతో ఏకంగా పీసీసీ చీఫ్ రేవంత్ రెడ్డి రంగంలోకి దిగడం, దానికి ఉమ్మడి జిల్లా ఎంపీలు ఉత్తమ్, కోమటిరెడ్డి వెంకటరెడ్డి సహకరించడం బీఆర్ఎస్ నేతలను షాక్కు గురి చేసింది.
నల్గొండ రాజకీయాల్లో రోజుకో మలుపు
ఇంటెలిజెన్స్ నిఘా వర్గాల రిపోర్ట్ ప్రకారం ఉమ్మడి నల్గొండ జిల్లాలో ప్రభుత్వంపై వ్యతిరేకత రోజురోజుకూ పెరిగిపోతున్నదని తెలిసింది. 2018లో అభ్యర్థులను ముందుగానే ప్రకటించడం వల్ల మెజార్టీ సీట్లు సాధించామన్న ఉద్దేశంతో ఇప్పుడు కూడా.. ఎమ్మెల్యేల మీద ప్రజల్లో వ్యతిరేకత ఉందని సర్వేల్లో తెలిసినప్పటికీ ఎన్నికలకు 3 నెలల ముందే అభ్యర్థులను ప్రకటించారు. మరోవైపు, జిల్లాలో పార్టీ నేతల అసమ్మతి చల్లారకపోగా, రోజుకో మలుపు తిరుగుతోంది. దీని నుంచి గట్టెక్కేందుకు సొంత పార్టీ నేతలను పక్కకు పెట్టి కాంగ్రెస్ అసంతృప్త నేతలకు గాలం వేసింది. కాంగ్రెస్ క్యాండిడేట్లు అనౌన్స్ అయ్యాక టికెట్ రానివాళ్లకు భారీ తాయిలాలు ఇచ్చి పార్టీలోకి లాక్కోవాలని పెద్ద స్కెచ్ వేసింది. దీనివల్ల పార్టీకి మైలేజ్ పెరుగుతుందని తద్వారా సొంత పార్టీలోని అసమ్మ తి నేతలు దారిలోకి వస్తారని భావించింది. కానీ ఊహించని రీతిలో కాంగ్రెస్ నుంచి వచ్చిన నేతలు తిరిగి వెళ్లిపోతుండటం, బీఆర్ఎస్ అసమ్మ తి నేతలు తలోదారి చూసుకునే పరిస్థితి నెలకొంది. ఇదిచాలదన్నట్టుగా మాజీ మంత్రి మోత్కుపల్లి నర్సింహులుతో సహా, మరికొంతమంది సీని యర్లు కాంగ్రెస్లోకి వచ్చేందుకు చర్చలు జరుపుతున్నారు.
మంత్రుల పైనే ఆశలు..
అనిల్ కుమార్ రెడ్డి ఇచ్చిన షాక్తో అలర్ట్ అయిన బీఆర్ఎస్ హైకమాండ్.. ఉమ్మడి నల్గొండ జిల్లా ఎన్నికల బాధ్యతలను మంత్రి జగదీశ్రెడ్డితోపాటు మంత్రులు కేటీఆర్, హరీశ్ కు అప్పగించి నట్టు తెలిసింది. 12 సీట్లను గెలిపించే బాధ్యత ఈ ముగ్గురు మంత్రుల పైన పెట్టింది. త్వరలో మంత్రులు జిల్లాలో పర్యటించను న్నారు. ఈ నెలాఖరులో మంత్రి హరీశ్నకిరేకల్, తుంగతుర్తిలో పర్యటించను న్నారు. వచ్చే నెల మొదటి వారంలో కేటీఆర్ నల్గొండ, మిర్యాలగూడ, సూర్యా పేటలో అభి వృద్ధి కార్యక్రమాలు ప్రారం భించనున్నారు. అభివృద్ధి పైనే నమ్మకం పెట్టుకున్న ఎమ్మెల్యేలు.. అసమ్మతి గండం నుంచి గట్టెక్కేందుకు మంత్రుల పైనే భారం మోపారు. దీనికోసం నామినేటెడ్ పోస్టులు ఇవ్వడమే కాకుండా అవసరమై తే భారీ తాయిలాలు ఇచ్చేందుకు కూడా వెనకాడట్లేదు. మంత్రులతోపాటు మరో ఎమ్మెల్యే గాదరి కిషోర్ కుమార్ కూడా కాంగ్రెస్లో తనతో టచ్లో ఉన్న యువనాయకులతో సంప్రదింపులు జరుపుతున్నట్టు తెలిసింది.
