యాదాద్రి, వెలుగు : యాదాద్రి జిల్లా యంత్రాంగం బడి బాట, హాస్టల్ బాట పట్టింది. స్కూళ్లలో మధ్యాహ్న భోజనాన్ని పరిశీలించి, స్టూడెంట్స్తో కలిసి లంచ్ చేసింది. బువ్వ ఎలా ఉంటోందని ఆరా తీసింది. కలెక్టర్, అడిషనల్ కలెక్టర్లు సహా హెచ్వోడీలు హాస్టల్స్లో నిద్రించారు. విద్య, సంక్షేమంపై యాదాద్రి కలెక్టర్ హనుమంతరావు దృష్టి సారించారు. ఇందులో భాగంగా అన్ని డిపార్ట్మెంట్స్ ఆఫీసర్లను స్కూళ్లను సందర్శించాలని ఆదేశించారు. జిల్లాలోని 658 స్కూల్స్లో సోమవారం ఒక్కరోజే దాదాపు 325 స్కూల్స్ను మధ్యాహ్న సమయంలో సహా వివిధ డిపార్ట్మెంట్లకు చెందిన 325 మంది ఆఫీసర్లు సందర్శించారు.
జిల్లాలోని రెసిడెన్షియల్ స్కూల్స్, పోస్ట్ మెట్రిక్ హాస్టల్స్, ఎస్సీ, ఎస్టీ, బీసీ మైనార్టీ, హాస్టల్స్ను ఆఫీసర్లు సందర్శించారు. కలెక్టర్ హనుమంతరావు, అడిషనల్కలెక్టర్లు జీ వీరారెడ్డి, గంగాధర్, డీఆర్డీవో నాగిరెడ్డి సహా 85 మంది ఆఫీసర్లు హాస్టల్బాట పట్టారు. మధ్యాహ్నం 3 గంటలకు హాస్టల్స్కు వెళ్లిన ఆఫీసర్లు ముందుగా స్టూడెంట్స్కు ఆరోగ్య పరీక్షలు నిర్వహించారు. స్టూడెంట్స్కు ఎలాంటి ఆరోగ్య సమస్యలు ఉన్నాయో రికార్డ్ చేసుకున్నారు.
డిన్నర్కోసం రెడీ చేసిన వంట సరుకులను పరిశీలించారు. వండిన అనంతరం స్టూడెంట్స్తో కలిసి భోజనం చేశారు. బువ్వ రోజు ఎలా ఉంటుందో ఆరా తీశారు. హాస్టల్స్లో స్టూడెంట్స్ ఎలాంటి సమస్యలు ఎదుర్కుంటున్నారో అడిగారు. కలెక్టర్ అందించిన చెక్లిస్ట్ ప్రకారం అన్ని సమకూర్చారా..? లేదా..? అన్నది నమోదు చేసుకున్నారు. రాత్రి పిల్లలతో కలిసి అక్కడే నిద్రించారు.
