ఆదిలాబాద్ జిల్లా కేంద్రంలోని పేదల కోసం మావల గ్రామ పరిధిలో నిర్మించిన డబుల్ బెడ్ రూం ఇండ్లు పంచక ముందే ఇలా పగుళ్లు పెడుతున్నాయి. మొత్తం 20 బ్లాకులుగా ఒక్కో బ్లాక్కు 12 చొప్పున 240 ఇండ్ల నిర్మాణ పనులను నాలుగేండ్ల కింద ప్రారంభించారు. గేటెడ్ కమ్యూనిటీ తరహాలో అత్యంత క్వాలిటీతో నిర్మిస్తున్నామని ప్రజాప్రతినిధులు, ఆఫీసర్లు అప్పట్లో గొప్పలు చెప్పారు. తీరా చూస్తే ఆఫీసర్ల పర్యవేక్షణ లేకపోవడంతో కాంట్రాక్టర్ క్వాలిటీని గాలికి వదిలేశాడు. ఫలితంగా ఇండ్లు ఎక్కడికక్కడ పగుళ్లు చూపుతున్నాయి. గోడలు, స్లాబ్పెచ్చులు ఊడుతున్నాయి.
గోడల్లోంచి పైపులు, కరెంట్ వైర్లు బయటకు వచ్చి వేలాడుతున్నాయి. లబ్ధిదారులకు పంపిణీ చేస్తే కనీసం వాళ్లయినా ఇండ్ల మెయింటనెన్స్చూసుకునేవాళ్లు. కానీ పూర్తయి నెలలు గడుస్తున్నా పేదలకు పంచేందుకు ఆఫీసర్లకు, లీడర్లకు చేతులు రావడం లేదు. దీంతో ఇండ్ల చుట్టూ కంపచెట్లు మొలిచి భూత్ బంగ్లాలను తలపిస్తున్నాయి.
– వెలుగు ఫొటోగ్రాఫర్, ఆదిలాబాద్
